DSports 29 Nov:రాంచీ: భారత క్రికెట్ దిగ్గజాలు రోహిత్ శర్మ (Rohit Sharma), విరాట్ కోహ్లీ (Kohli) జోడీ మరో చారిత్రక రికార్డుకు అడుగు దూరంలో ఉంది. దక్షిణాఫ్రికాతో రాంచీలో జరగనున్న తొలి వన్డే మ్యాచ్లో ఈ ఇద్దరు ఆటగాళ్లు క్రీజులో నిలబడితే, క్రికెట్ దిగ్గజాలు సచిన్ టెండూల్కర్-రాహుల్ ద్రవిడ్ పేరిట ఉన్న ఒక అరుదైన భారత రికార్డు బద్దలవుతుంది.
రోహిత్-కోహ్లీ (రో-కో) జోడీ ఇప్పటివరకు 391 అంతర్జాతీయ మ్యాచ్లలో (టెస్ట్, వన్డే, టీ20 ఫార్మాట్లు కలిపి) కలిసి ఆడింది. భారత దిగ్గజాలు సచిన్ టెండూల్కర్, రాహుల్ ద్రవిడ్ జోడీ కూడా సరిగ్గా 391 మ్యాచ్లలో కలిసి ఆడారు.ఈ నేపథ్యంలో, రాంచీలో ఈ ఇద్దరు స్టార్ ఆటగాళ్లు తుది జట్టులో ఉండి, క్రీజులో నిలబడగానే, కలిసి ఆడిన అంతర్జాతీయ మ్యాచ్ల సంఖ్య 392కి చేరుకుని, భారత్లో అత్యధిక అంతర్జాతీయ మ్యాచ్లు ఆడిన జోడీగా రోహిత్-కోహ్లీ రికార్డు సృష్టిస్తారు.
భారత క్రికెట్లో విజయవంతమైన జోడీల గురించి మాట్లాడినప్పుడు, సచిన్-సౌరవ్ గంగూలీ (వన్డేల్లో అత్యధిక పరుగుల భాగస్వామ్యం) లేదా సచిన్-ద్రవిడ్ (సుదీర్ఘ కెరీర్) పేర్లు గుర్తుకొస్తాయి. అయితే, మూడు ఫార్మాట్లలో తమ అద్భుతమైన కెరీర్ కారణంగా, రోహిత్-కోహ్లీ ఇప్పుడు ఈ అరుదైన రికార్డులో సచిన్-ద్రవిడ్తో సమానంగా నిలిచారు.