వయసును బట్టి ఎంత నిద్ర అవసరం? తక్కువ నిద్రతో వచ్చే ప్రమాదాలు తెలుసుకోండి!

DET:NOV 18:
వయసును బట్టి ఎంత నిద్ర అవసరం?
మీరు రోజుకు ఎంతసేపు నిద్రపోవాలి అనేది మీ వయసు మీద ఆధారపడి ఉంటుంది.ప్రతి వయసు వారికి సరైన నిద్ర సమయం చాలా ముఖ్యం.తక్కువ నిద్ర పోతే,అది మీ ఆరోగ్యంపై చాలా ప్రభావం చూపుతుంది.సాధారణంగా,చిన్న పిల్లల నుండి పెద్దల వరకు,నిద్ర సమయాలు ఎలా మారతాయో ఇక్కడ చూద్దాం.

పసిపిల్లలు మరియు చిన్న పిల్లలు:
నవజాత శిశువులు 3 నెలల కంటే తక్కువ వయసు ఉన్నవారు రోజుకు 14 నుండి 17 గంటలు నిద్రపోవాలి.4 నెలల నుండి 1 సంవత్సరం వయసు ఉన్న పిల్లలకు 12 నుండి 15 గంటల నిద్ర అవసరం.ఇక 1 నుండి 2 సంవత్సరాల పిల్లలకు 11 నుండి 14 గంటలు,3 నుండి 5 సంవత్సరాల ప్రీ-స్కూల్ పిల్లలకు 10 నుండి 13 గంటల నిద్ర అవసరం.వారి పెరుగుదలకు మెదడు అభివృద్ధికి ఈ నిద్ర చాలా కీలకం.

పాఠశాల మరియు టీనేజ్ వయస్సు:
బడికి వెళ్లే వయసు 6 నుండి 13 సంవత్సరాలు ఉన్న పిల్లలు కనీసం 9 నుండి 11 గంటలు నిద్రపోవాలి.ఇక టీనేజ్ వయసు 14 నుండి 17 సంవత్సరాలు వారికి రోజుకు 8 నుండి 10 గంటల నిద్ర చాలా ముఖ్యం.ఈ సమయంలో వారిలో శారీరక, మానసిక మార్పులు ఎక్కువగా ఉంటాయి కాబట్టి,సరిపడా నిద్ర ఉంటేనే చదువులో మరియు ఇతర పనుల్లో చురుకుగా ఉంటారు.

పెద్దలు మరియు వృద్ధులు:
18 నుండి 64 సంవత్సరాల వయస్సు ఉన్న పెద్దలు రోజుకు 7 నుండి 9 గంటలు నిద్రపోవాలని నిపుణులు చెప్తున్నారు. వృద్ధులు 65 సంవత్సరాలు దాటినవారు కూడా 7 నుండి 8 గంటలు నిద్రపోతే ఆరోగ్యంగా ఉంటారు.కొన్నిసార్లు వయసు పెరిగే కొద్దీ నిద్రలో తేడాలు రావచ్చు, కానీ కనీస సమయాన్ని పాటించడం ముఖ్యం

నిద్ర తగ్గితే వచ్చే సమస్యలు:
మీ వయసుకు తగినంత నిద్ర లేకపోతే చాలా సమస్యలు వస్తాయి.రోగనిరోధక శక్తి తగ్గి,తరచుగా జబ్బులు పడవచ్చు.ఏకాగ్రత లోపించడం,తొందరగా అలసిపోవడం,బరువు పెరగడం,మానసిక ఒత్తిడి పెరగడం వంటివి జరుగుతాయి.దీర్ఘకాలంలో గుండె సమస్యలు,డయాబెటిస్ వంటి ప్రమాదాలు కూడా పెరిగే అవకాశం ఉంది.అందుకే,మీ వయసును బట్టి సరిపడా నిద్ర పోవడం చాలా అవసరం.