D Spiritual: Nov 4: హిందూ వివాహ వేడుకలో అనేక సంప్రదాయాలు ఉన్నాయి. నుదిటిపై బొట్టు, మెడలో నల్లపూసలు, తాళి, గాజులు, మెట్టెలు వంటివాటిని వధువు ధరిస్తుంది. మెట్టెలు, నల్లపూసలు ధరించిన స్త్రీలను వివాహితగా గుర్తిస్తారు.
మన సంప్రదాయంలోని ప్రతి నియమానికి ఒక శాస్త్రీయ కోణం దాగి ఉంటుంది. అదే విధంగా కాలి వేలుకి ధరించే మెట్టెలు విషయంలో కూడా అనేక ఆరోగ్య ప్రయోజనాలు ఉన్నాయి. పురాతన కాలం నుండి కొనసాగుతున్న ఈ ఆచారం వెనుక, మీరు నమ్మినా నమ్మకపోయినా, ఎన్నో శాస్త్రీయ కారణాలు ఉన్నాయి. కాబట్టి ఈ రోజు — కాలి వేలుకి మెట్టెలు ఎందుకు ధరిస్తారు? అది కూడా కాలి బొటన వేలు పక్కనున్న వేలుకే ఎందుకు ధరిస్తారు? — తెలుసుకుందాం.
పెళ్లి రోజున వరుడు లేదా మేనమామ నవవధువు కాలి వేలుకి మెట్టెలు వేస్తారు. ఇది ప్రాచీన సంప్రదాయం. ఈ ఆచారానికి వెనుక అనేక ఆరోగ్య ప్రయోజనాలు దాగి ఉన్నాయి.
ఒక అమ్మాయికి పెళ్లి అయ్యిందని తెలుసుకోవడానికి కాలికి మెట్టెలు ఉన్నాయా అని చూస్తారు. పెళ్లయిన స్త్రీలు మెట్టెలు ధరించడం వెనుక ఒక ప్రత్యేకమైన కారణం ఉంది. ఇది కొందరికి అతిశయోక్తిలా అనిపించినా, వాస్తవానికి ఇది ఎన్నో ఆరోగ్య ప్రయోజనాలను ఇస్తుంది.
సాధారణంగా పాదంలోని బొటన వేలు పక్కనున్న రెండవ వేలుకే మెట్టెలు ధరిస్తారు. ఎందుకంటే ఆ రెండవ వేలు నుండి ఒక నిర్దిష్ట నాడి గర్భాశయానికి అనుసంధానించబడి గుండె గుండా వెళుతుంది.
ఇది రక్తప్రసరణను క్రమబద్ధీకరించడం ద్వారా గర్భాశయాన్ని ఆరోగ్యంగా ఉంచుతుంది. అలాగే రుతుచక్రాన్ని సక్రమంగా కొనసాగించడంలో సహాయపడుతుంది.
రెండో కాలివేలుకి మెట్టెలు ధరించడం వల్ల గర్భాశయం బలపడుతుందని వైద్యులు చెబుతున్నారు. ఇది మాతృత్వ సమయంలో స్త్రీకి ఉపయోగకరంగా ఉంటుంది.
అంతేకాక, వెండి మంచి లోహంగా పరిగణించబడుతుంది. కాలికి ధరించే వెండి మెట్టెలు భూమి నుండి సౌరశక్తిని గ్రహించి శరీరానికి వ్యాపింపజేస్తాయి. అందువల్ల వివాహిత స్త్రీ కాలికి వెండి మెట్టెలు ధరించడం శ్రేయస్కరం.
వెండి ధరించడం వల్ల శరీరం చల్లగా ఉంటుంది. అందుకే వెండి మెట్టెలనే ధరించాలి. బంగారం వంటి ఇతర లోహాలతో తయారు చేసిన మెట్టెలు మాత్రం ధరించరాదు, ఎందుకంటే అవి నెగటివ్ ఎనర్జీని కలిగిస్తాయని చెబుతారు.