DNews:17 Mar: హైదరాబాద్ శివారులోని హయత్ నగర్ పోలీస్ స్టేషన్ పరిధిలో మంగళవారం తెల్లవారుజామున ఒక భారీ ప్రమాదం చోటుచేసుకుంది. గోవులను అక్రమంగా తరలిస్తున్న ఒక లారీ అతివేగంగా వెళ్తూ నియంత్రణ కోల్పోయి పెద్ద అంబర్పేట సమీపంలో రహదారిపై బోల్తా పడింది. ఈ ప్రమాద ధాటికి లారీలో ఉన్న సుమారు 40కి పైగా గోవులు తీవ్రంగా గాయపడగా, మరికొన్ని అక్కడికక్కడే మరణించినట్లు తెలుస్తోంది. ప్రమాదం జరిగిన వెంటనే లారీ డ్రైవర్ మరియు క్లీనర్ అక్కడి నుండి పరారయ్యారు.
స్థానికులు ఈ విషయాన్ని గమనించి పోలీసులకు సమాచారం అందించడంతో హయత్ నగర్ పోలీసులు ఘటనా స్థలానికి చేరుకున్నారు. ప్రమాదంలో తీవ్రంగా గాయపడిన గోవులను స్థానిక గోశాలలకు తరలించేలా చర్యలు తీసుకున్నారు. అయితే, అక్రమంగా పశువులను తరలిస్తున్నట్లు గుర్తించిన పోలీసులు, ఆ లారీ ఎక్కడి నుండి వస్తోంది మరియు ఎక్కడికి వెళ్తోంది అనే కోణంలో దర్యాప్తు ప్రారంభించారు. ఈ ఘటన కారణంగా విజయవాడ-హైదరాబాద్ జాతీయ రహదారిపై కొంతసేపు ట్రాఫిక్ నిలిచిపోగా, పోలీసులు క్రేన్ సహాయంతో లారీని పక్కకు తొలగించి రాకపోకలను పునరుద్ధరించారు.