DNews:19 Dec: తెలంగాణ హైకోర్టులో నేడు (డిసెంబర్ 19, 2025) లుంబినీ పార్క్, గోకుల్ చాట్ పేలుళ్ల కేసు విచారణకు వచ్చింది. కింది కోర్టు (నాంపల్లి కోర్టు) విధించిన మరణశిక్షను రద్దు చేయాలని కోరుతూ దోషులు వేసిన అప్పీల్ పిటిషన్లపై ధర్మాసనం విచారణ చేపట్టింది. అయితే, అనివార్య కారణాల వల్ల హైకోర్టు ఈ విచారణను వాయిదా వేసింది.ఈ కేసులో దోషులైన అనీక్ షఫీక్ సయీద్, మహమ్మద్ అక్బర్ ఇస్మాయిల్ల మానసిక స్థితి, వారి ప్రవర్తన మరియు పశ్చాత్తాపం చెందుతున్నారా లేదా అనే అంశాలను పరిశీలించడానికి హైకోర్టు గతంలోనే ఇద్దరు మిటిగేటర్లను (Mitigators) నియమించింది.ఈ విచారణను మరో బెంచ్కు మార్చాలన్న డిఫెన్స్ లాయర్ల అభ్యర్థనను హైకోర్టు తోసిపుచ్చింది.2007 ఆగస్టు 25న జరిగిన ఈ పేలుళ్లలో మొత్తం 44 మంది ప్రాణాలు కోల్పోగా, 68 మంది తీవ్రంగా గాయపడ్డారు. ఈ కేసులో 2018లో నాంపల్లి ప్రత్యేక కోర్టు ఇద్దరికి ఉరిశిక్ష, మరొకరికి జీవిత ఖైదు విధించింది.