DNews:14 NOV:జూబ్లీహిల్స్ ఉప ఎన్నికలో కాంగ్రెస్ జెండా ఎగురేసినట్లు స్పష్టమవుతోంది. ఏడు రౌండ్ల ఓట్ల లెక్కింపు పూర్తయ్యేసరికి కాంగ్రెస్ 19 వేల ఓట్ల భారీ మెజార్టీతో గెలుపు దిశగా దూసుకుపోతోంది. ఇదే సమయంలో, BJP పరిస్థితి పూర్తిగా లయబద్ధం కోల్పోయింది. పార్టీకి డిపాజిట్ కూడా దక్కే అవకాశాలు కనిపించకపోవడంతో కాషాయ శ్రేణుల్లో తీవ్ర నిరాశ చోటుచేసుకుంది. ఐదు రౌండ్ల లెక్కింపు పూర్తయ్యాకే BJP అభ్యర్థి లంకల దీపక్ రెడ్డి కౌంటింగ్ సెంటర్ను వీడటం చర్చనీయాంశమైంది.
కాంగ్రెస్ ఆధిక్యం స్పష్టమైన నేపథ్యంలో, గాంధీ భవన్లో ఇప్పటికే సంబరాలు ప్రారంభమయ్యాయి. కార్యకర్తలు డప్పులు, బ్యాండ్ల తాళాలకు నృత్యాలు చేస్తూ ఆనందంలో మునిగిపోయారు. బాణసంచా పేల్చుతూ, “రప్పా రప్పా – తగ్గేదేలే” అంటూ సీఎం రేవంత్ రెడ్డి ఫ్లెక్సీలు ఎగరేస్తూ విజయోత్సవాలు జోరుగా సాగాయి. పరిసరాలంతా పండుగ వాతావరణం నెలకొంది.
ఇక యూసుఫ్గూడలో కాంగ్రెస్ అభ్యర్థి నవీన్ యాదవ్ నివాసం, కార్యాలయాల వద్ద కూడా విజయోత్సవాలు బాగా ఊపందుకున్నాయి. అనుచరులు, కార్యకర్తలు, అభిమానులు పెద్ద ఎత్తున చేరి ఆనందోత్సాహాలతో సంబరాలు జరుపుతున్నారు.జూబ్లీహిల్స్ ఉప ఎన్నిక్లో కాంగ్రెస్ భారీ ఆధిక్యం సాధించడంతో రాజకీయ వాతావరణం పూర్తిగా మారిపోయింది. BJP భారీ పరాభవం పాలవ్వడం హాట్ టాపిక్గా మారింది.