DNews:18 NOV:ఆదిలాబాద్ రాష్ట్రంలో రైతులు ఎదుర్కొంటున్న సమస్యలకు తక్షణ పరిష్కారం చూపగలిగేది బీఆర్ఎస్ పార్టీనే అంటూ పార్టీ వర్కింగ్ ప్రెసిడెంట్ కేటీఆర్ అన్నారు. ఆదిలాబాద్ పత్తి మార్కెట్ యార్డులో పర్యటించిన ఆయన, రైతులు అధైర్యపడవద్దని, బీఆర్ఎస్ ఎల్లప్పుడూ అండగా ఉంటుందని భరోసా ఇచ్చారు.
కేటీఆర్ మాట్లాడుతూ—
- “కేసీఆర్ హయాంలో రైతులకు ఎటువంటి ఇబ్బంది కలగకుండా చూసుకున్నాం”
- “ఊరూరా కొనుగోలు కేంద్రాలు ఏర్పాటు చేసి ప్రతి ధాన్యం గింజ కొన్నాము”
అని గుర్తుచేశారు.
ప్రస్తుతం పంటలకు మద్దతు ధర దొరక్క రైతులు పడుతున్న ఇబ్బందులను వెలుగులోకి తెచ్చేందుకు బీఆర్ఎస్ పోరుబాట పట్టేందుకు సిద్ధమైందని కేటీఆర్ తెలిపారు. కేంద్ర, రాష్ట్ర ప్రభుత్వాల తీరుతో రైతులు ఎదుర్కొంటున్న సమస్యలను ప్రజల ముందుకు తీసుకురానున్నట్టు చెప్పారు.
కేటీఆర్ ఆదిలాబాద్ పత్తి మార్కెట్ యార్డ్తో పాటు బోథ్ నియోజకవర్గంలోని నేరడిగొండ జిన్నింగ్ మిల్లు వద్ద సోయాబీన్, మొక్కజొన్న కొనుగోలు కేంద్రాలను కూడా పరిశీలించారు.
ఈ కార్యక్రమంలో మాజీ మంత్రి ప్రశాంత్ రెడ్డి, ఎమ్మెల్యేలు అనిల్ జాదవ్, కోవా లక్ష్మి, మాజీ ఎమ్మెల్యే జోగు రామన్న, బాల్క సుమన్, దివాకర్ రావు, కోనేరు కోనప్ప తదితరులు పాల్గొన్నారు.