DET:SEP19:
చెన్నైలో రజనీకాంత్ 50 ఏళ్ల ఉత్సవం
చెన్నై నగరానికి ఒక ప్రత్యేకమైన అందం ఉంది. ఈ మధ్య ఆ నగర వీధులు మరింత మెరిసిపోతున్నాయి. కారణం సూపర్ స్టార్ రజనీకాంత్. తెలుగు, తమిళం, హిందీ సహా ఎన్నో భాషల్లో తన ప్రత్యేక శైలి నటనతో అలరించిన ఆయన సినీ ప్రయాణం 50 ఏళ్ల మైలురాయిని చేరుకుంది. ఈ సందర్భాన్ని గుర్తుంచుకునేలా చెన్నైలోని ముఖ్య వీధులు, హోర్డింగ్స్, లైట్లు అన్ని రజనీకాంత్ గౌరవార్థం ప్రకాశించాయి.
అభిమానులను అలరించిన స్టైల్ కింగ్
రజనీకాంత్ అంటేనే ఒక బ్రాండ్. ఆయన డైలాగులు, స్టైల్, తెరపై కనిపించే ప్రత్యేకమైన ఎనర్జీకి అభిమానులు మంత్రముగ్ధులవుతుంటారు. ఈ ప్రయాణంలో ఆయన ఎన్నో హిట్ సినిమాలు అందించారు. బాషా, అన్నమలై, పదయప్ప, శివాజీ, ఎంత్రన్ నుంచి జైలర్ వరకు ప్రతి దశలో ఆయన తనకంటూ ఒక ప్రత్యేక గుర్తింపు తెచ్చుకున్నారు.
ప్రైమ్ వీడియో నుంచి ప్రత్యేక గౌరవం
ఈ ఘనతను మరింత ప్రత్యేకం చేయడానికి అమెజాన్ ప్రైమ్ వీడియో ఒక ప్రత్యేకమైన ట్రిబ్యూట్ వీడియోను విడుదల చేసింది. అందులో ఆయన సినిమా సన్నివేశాలు, అభిమానుల స్పందనలు, పరిశ్రమలోని సహనటుల అభిప్రాయాలు చోటు చేసుకున్నాయి. ఈ వీడియో చూసిన అభిమానులు సోషల్ మీడియాలో ఆయనపై తమ ప్రేమను మళ్లీ వ్యక్తపరిచారు.
సాధారణ జీవితం నుంచి సూపర్ స్టార్ వరకూ
రజనీకాంత్ 50 ఏళ్ల సినీ ప్రయాణం కేవలం సినిమా కాదు, ఒక స్ఫూర్తి. బస్ కండక్టర్గా సాధారణ జీవితం మొదలుపెట్టి, ఈ స్థాయికి ఎదగడం ఒక అసాధారణ గాధ. ఆయనలోని కష్టపడే స్వభావం, అందరితో సరళంగా మెలగడం, తెరపై చూపే ఎనర్జీ ఇవన్నీ కలిసి ఆయనను లెజెండరీ స్థాయికి తీసుకెళ్లాయి.
చెన్నైలో “ తలైవా” జోష్
ఇప్పుడు చెన్నై నగర వీధులు ఈ లెజెండ్ను సత్కరిస్తూ మెరిసిపోతుంటే, అభిమానులు గర్వంగా “ఇదే మా తలైవర్” అని చెబుతున్నారు.