శోభితా ధూళిపాళ గురించి ప్రత్యేక పరిచయం అక్కర్లేదు. అచ్చ తెలుగమ్మాయి.. కానీ హిందీ సినిమమా ప్రపంచంలోనే తనకంటూ ప్రత్యేక గుర్తింపు తెచ్చుకుంది. తెలుగు, హిందీ, తమిళం భాషలలో బ్యాక్ టూ బ్యాక్ చిత్రాల్లో నటించి మెప్పించింది. కొన్నాళ్ల క్రితం టాలీవుడ్ హీరో నాగచైతన్యను వివాహం చేసుకున్న సంగతి తెలిసిందే.
టాలీవుడ్ హీరోయిన్ అక్కినేని ఇంటి కోడలు శోభిత ధూళిపాళ గురించి ప్రత్యేకంగా చెప్పక్కర్లేదు. రామన్ రాఘవన్ సినిమాతో సినీరంగంలోకి అడుగుపెట్టింది. ఎక్కువగా హిందీ సినిమాల్లో నటించి మెప్పించింది. హిందీతోపాటు తెలుగులోనూ పలు సినిమాల్లో కనిపించింది.
తెలుగులో మేజర్, గూఢచారి చిత్రాల్లో నటించి తెలుగు ప్రేక్షకులకు దగ్గరయ్యింది. అలాగే పొన్నియన్ సెల్వన్ 1, 2 చిత్రాలతో తమిళంలోనూ మెప్పించింది. గతేడాది మంకీ మ్యాన్ సినిమాతో అలరించింది. విభిన్న కంటెంట్ చిత్రాలతో మంచి ఇమేజ్ క్రియేట్ చేసుకుంది.
గతేడాది అక్కినేని హీరో నాగచైతన్యను పెళ్లి చేసుకుంది. వీరిద్దరి వివాహం అన్నపూర్ణ స్టూడియోస్ లో జరిగింది. పెళ్లి తర్వాత సినిమాలకు దూరంగా ఉన్న శోభితా సోషల్ మీడియాలో మాత్రం చాలా యాక్టివ్ గా ఉంటుంది.
