DSports:09 OCT:హైదరాబాద్: చెన్నైలోని SDAT మల్టీపర్పస్ ఇండోర్ స్టేడియంలో బుధవారం జరిగిన ప్రో కబడ్డీ లీగ్ (PKL) 12వ సీజన్ పోరులో తెలుగు టైటాన్స్ అద్భుత ప్రదర్శన కనబరిచి హర్యానా స్టీలర్స్ను 46–29 తేడాతో ఓడించింది.
ఈ మ్యాచ్లో టైటాన్స్ స్టార్ ఆల్రౌండర్ భరత్ హుడా తన 100వ PKL మ్యాచ్ను ఘనంగా జరుపుకుంటూ 16 రైడ్ పాయింట్లు, 4 టాకిల్ పాయింట్లు సాధించి మొత్తం 20 పాయింట్లు నమోదు చేశాడు. కెప్టెన్ విజయ్ మాలిక్ కూడా 8 పాయింట్లతో జట్టుకు కీలక సహకారం అందించాడు.
ఆరంభం నుంచే టైటాన్స్ ఆధిపత్యం చూపింది. భరత్ హుడా మల్టీ పాయింట్ రైడ్, విజయ్ మాలిక్ రెండు పాయింట్ల రైడ్తో జట్టుకు 6–0 ఆధిక్యాన్ని అందించారు. హర్యానా తరపున వినయ్ బోనస్ పాయింట్తో స్కోరింగ్ ప్రారంభించినా, టైటాన్స్ రక్షణ గోడ ముందు ఆ జట్టు నిలబడలేకపోయింది.
అజిత్ పవార్ టాకిల్తో తొలి ఆలౌట్ సాధించిన టైటాన్స్ దూకుడు కొనసాగింది. అంకిత్ టాకిల్తో ఆధిక్యాన్ని మరింత పెంచగా, హుడా తన చాకచక్యంతో ప్రత్యర్థిని నిలదీశాడు. హర్యానా చివర్లో మయాంక్ సైని సూపర్ రైడ్, రాహుల్ అహ్రి సూపర్ టాకిల్ ద్వారా ప్రయత్నించినా, తేడా పూడ్చలేకపోయారు.
చివరికి, తెలుగు టైటాన్స్ 17 పాయింట్ల తేడాతో ఘన విజయం సాధించింది. ఈ విజయంతో టైటాన్స్ వరుసగా ఐదవ విజయాన్ని నమోదు చేయగా, డిఫెండింగ్ ఛాంపియన్ హర్యానా స్టీలర్స్కు వరుసగా ఐదో ఓటమి ఎదురైంది.