DSports 10Feb 2026:కొలంబో: టీ20 ప్రపంచకప్ 2026లో జింబాబ్వే జట్టు తన ప్రస్థానాన్ని అద్భుత విజయంతో ప్రారంభించింది. సోమవారం కొలంబోలోని సింహళీస్ స్పోర్ట్స్ క్లబ్ (SSC) వేదికగా జరిగిన గ్రూప్-బి పోరులో జింబాబ్వే 8 వికెట్ల తేడాతో ఒమన్‌పై ఘన విజయం సాధించింది. బౌలింగ్‌లో పేసర్లు నిప్పులు చెరగగా, బ్యాటింగ్‌లో కుర్రాడు బ్రియాన్ బెన్నెట్ మెరుపులు మెరిపించాడు.
- టాస్ గెలిచిన జింబాబ్వే కెప్టెన్ సికందర్ రాజా ముందుగా బౌలింగ్ ఎంచుకున్నాడు. జింబాబ్వే పేసర్లు బ్లెస్సింగ్ ముజారబాని (3/16), రిచర్డ్ నగరవ (3/17) మరియు బ్రాడ్ ఎవాన్స్ (3/18) అద్భుతమైన స్పెల్స్‌తో ఒమన్ బ్యాటర్లను బెంబేలెత్తించారు. పవర్‌ప్లే ముగిసేసరికి ఒమన్ కేవలం 27 పరుగులకే 5 వికెట్లు కోల్పోయి పీకల్లోతు కష్టాల్లో పడింది. వినాయక్ శుక్లా (28) కొద్దిసేపు పోరాడటంతో ఒమన్ కనీసం 100 పరుగుల మార్కును దాటగలిగింది.
- 104 పరుగుల స్వల్ప లక్ష్యంతో బరిలోకి దిగిన జింబాబ్వేకు ఓపెనర్ బ్రియాన్ బెన్నెట్ (48 నాటౌట్) మెరుపు ఆరంభాన్ని ఇచ్చాడు. అతనికి వెటరన్ ప్లేయర్ బ్రెండన్ టేలర్ (31) చక్కటి సహకారం అందించాడు. అయితే, టేలర్ కండరాలు పట్టేయడంతో (Hamstring) రిటైర్డ్ హర్ట్‌గా వెనుదిరిగాడు. చివర్లో కెప్టెన్ సికందర్ రాజా బౌండరీతో మ్యాచ్‌ను ముగించి జట్టుకు తొలి విజయాన్ని అందించాడు.