DSports 17Mar 2026:బ్రసెల్స్: యూరప్ ఖండంలో క్రికెట్ క్రేజ్ను పెంచేందుకు సిద్ధమైన EUT20 బెల్జియం క్రికెట్ లీగ్ ద్వారా జహీర్ ఖాన్ సరికొత్త ప్రయాణాన్ని మొదలుపెట్టారు. ఈ లీగ్లోని ఆరు ఫ్రాంఛైజీలలో ఒకటైన ‘ఆంటెర్ప్ యాంకర్స్’ (Antwerp Anchors) జట్టులో ఆయన వాటా కొనుగోలు చేసి సహ యజమానిగా చేరారు. కేవలం వ్యాపార కోణంలోనే కాకుండా, యూరప్లో దాగి ఉన్న కొత్త క్రికెట్ ప్రతిభను వెలికితీయడమే లక్ష్యంగా జహీర్ ఈ నిర్ణయం తీసుకున్నట్లు తెలుస్తోంది.
- లీగ్ సమయం: ఈ ఏడాది (2026) జూన్ 4 నుండి 14 వరకు బెల్జియం రాజధాని బ్రసెల్స్ వేదికగా ఈ టోర్నీ జరగనుంది.
- జహీర్ పాత్ర: జట్టు వ్యూహకర్తగా, మార్కెటింగ్ ముఖచిత్రంగా జహీర్ ఖాన్ వ్యవహరించనున్నారు. యువ ఆటగాళ్లకు మార్గదర్శకత్వం వహించడంలో ఆయన కీలక పాత్ర పోషించనున్నారు.
- స్టార్ ఆటగాళ్ల సందడి: జహీర్ యజమానిగా ఉన్న ఆంటెర్ప్ యాంకర్స్ జట్టులో వెస్టిండీస్ పవర్ హిట్టర్ ఆండ్రీ రసెల్ కీలక ఆటగాడిగా ఉన్నాడు. అలాగే డేవిడ్ వార్నర్, అలెక్స్ హేల్స్ వంటి దిగ్గజాలు ఇతర జట్ల తరపున బరిలోకి దిగనున్నారు.