DSports 03 Dec: న్యూఢిల్లీ: భారత క్రికెట్ జట్టు యువ సంచలనం, హైదరాబాద్ బ్యాటర్ తిలక్ వర్మ తాను అంతర్జాతీయ క్రికెట్లోని సుదీర్ఘ ఫార్మాట్లలో (వన్డేలు, టెస్టులు) కూడా ఆడే సత్తా ఉందని గట్టి నమ్మకం వ్యక్తం చేశారు. ప్రస్తుతం దక్షిణాఫ్రికాతో జరుగుతున్న వన్డే సిరీస్లో జట్టుతో ఉన్న తిలక్, తన ఆట శైలికి వన్డే, టెస్ట్ క్రికెట్లు మరింత అనుకూలంగా ఉంటాయని వెల్లడించారు
కోచ్ గంభీర్ శిక్షణ
హెడ్ కోచ్ గౌతమ్ గంభీర్ కూడా తనపై నమ్మకం ఉంచారని తిలక్ చెప్పారు. “మీకు నైపుణ్యం ఉంటే, మీరు అన్ని ఫార్మాట్లలో ఆడగలరు, అన్ని ఫార్మాట్లలో బాగా రాణించగలరు అని గౌతమ్ సార్ ఎప్పుడూ నాకు విశ్వాసం ఇస్తారు. మ్యాచ్లలో ఒత్తిడిని ఎలా ఎదుర్కోవాలో నేర్చుకోవడానికి ఆయన నన్ను ప్రాక్టీస్ సెషన్లలో ఒత్తిడికి గురి చేస్తారు” అని తిలక్ వివరించారు.దక్షిణాఫ్రికా సిరీస్లో లభించే ప్రతి అవకాశాన్ని సద్వినియోగం చేసుకుని, వన్డేలు, టెస్టుల్లోనూ తనను తాను నిరూపించుకోవాలని లక్ష్యంగా పెట్టుకున్నట్లు ఈ యువ క్రికెటర్ తెలిపారు.