Dnews: Nar14: అమరావతిలోని ఆయా గ్రామాల్లో అంతర్జాతీయ ప్రమాణాలతో కూడిన మౌలిక సదుపాయాలు కల్పిస్తామని ఏపీ మంత్రి నారాయణ వ్యాఖ్యానించారు. ఈ పనులు ప్రారంభించిన ఆరు నెలల్లోపు పూర్తవుతాయని ఆయన అన్నారు. ఆయా గ్రామాల్లో భూగర్భ జలాలు, ఆవిరి నీరు, వీధి దీపాలు, సిమెంట్ రోడ్లు వేస్తామని ఆయన అన్నారు. నేడు (శనివారం) అమరావతిలో జరిగిన అనంతవరం, నెక్కలు గ్రామసభల్లో మంత్రి నారాయణ, స్థానిక ఎమ్మెల్యే శ్రావణ్ కుమార్, సీఆర్డీఏ అధికారులు పాల్గొన్నారు. గ్రామాల్లో కల్పిస్తున్న మౌలిక సదుపాయాల గురించి ఆయన గ్రామ ప్రజలకు వివరించారు. గ్రామస్తుల నుంచి వినతులు అందాయి.
ఈ సందర్భంగా మంత్రి నారాయణ మాట్లాడారు. మౌలిక సదుపాయాల కల్పన, గ్రామసభల నిర్వహణపై దృష్టి సారించానని చెప్పారు. ఏపీ రాజధాని అమరావతి నిర్మాణ పనుల్లో ప్రస్తుతం 30 వేల మంది కార్మికులు పనిచేస్తున్నారని చెప్పారు. ఈ ఏడాది జూన్ నాటికి అధికారులు, ఎమ్మెల్యేలు, ఎమ్మెల్సీల నివాసాలు పూర్తవుతాయని ఆయన స్పష్టం చేశారు. 2027 జూన్ నాటికి రాజధానిలో 360 కిలోమీటర్ల ట్రంక్ రోడ్లు, 1500 కిలోమీటర్ల లేట్ అవుట్ రోడ్లు పూర్తవుతాయని ఆయన వెల్లడించారు. అమరావతిలో ఐకానిక్ భవనాల పనులు వేగంగా జరుగుతున్నాయని ఆయన అన్నారు. డిసెంబర్ 2028 నాటికి ఐకానిక్ భవనాలు పూర్తవుతాయని మంత్రి నారాయణ పేర్కొన్నారు.