DET:NOV 22:
రిలీజ్ డేట్ అనౌన్స్‌మెంట్: వేమల్ ‘మహాసేన వాల్యూమ్ – 1:
నటుడు వేమల్ నటిస్తున్న మహాసేన వాల్యూమ్ – 1 సినిమా విడుదల తేదీని మేకర్స్ అధికారికంగా ప్రకటించారు. ఈ చిత్రం ప్రపంచవ్యాప్తంగా డిసెంబర్ 12 2025న, థియేటర్లలో గ్రాండ్‌గా విడుదల కానుంది. ఇది డ్రామా మరియు థ్రిల్లర్ అంశాలతో కూడిన మల్టీ పార్ట్ ప్రాజెక్ట్ అని తెలుస్తోంది.
బహుభాషా విడుదల మరియు కథా నేపథ్యం:
మహాసేన వాల్యూమ్ – 1 చిత్రం కేవలం తమిళంలోనే కాకుండా, హిందీ, తెలుగు, కన్నడ మరియు మలయాళ భాషల్లో కూడా విడుదల కాబోతుంది. దీనిని హైపర్‌లింక్ ఫిల్మ్గా దర్శకుడు దినేష్ కలైసెల్వన్ అభివర్ణించారు. ఇందులో మూడు వేర్వేరు కథలు ఒకదానితో ఒకటి అనుసంధానమై ఉంటాయి. ఒక గ్రామానికి సంబంధించిన కథ, కాలేజీ ట్రెక్కర్ల బృందం కథ, మరియు మాఫియా టీమ్‌తో ముడిపడి ఉన్న మరో కథ.
కీలక నటీనటులు మరియు సాంకేతిక నిపుణులు:
ఈ చిత్రంలో వేమల్‌తో పాటు ప్రముఖ హాస్యనటుడు యోగిబాబు కామెడీ ట్రాక్‌లో కనిపించనున్నారు. అలాగే సృష్టి డాంగే, కబీర్ దుహాన్ సింగ్ మరియు అటవీ అధికారి పాత్రలో జాన్ విజయ్ కీలక పాత్రలు పోషిస్తున్నారు.ఈ సినిమాకు దినేష్ కలైసెల్వన్ రచన, దర్శకత్వం వహించారు. గతంలో ఆయన ‘రాకధాన్’ అనే క్రైమ్ థ్రిల్లర్‌ను రూపొందించారు.సినిమా షూటింగ్ ఇప్పటికే పూర్తయింది, పోస్ట్-ప్రొడక్షన్ పనులు చకచకా జరుగుతున్నాయి.