DNews: Feb11: H-1B వీసాల అమలులో సంచలనాత్మక పరిణామం చోటు చేసుకుంది. రిపబ్లికన్ ఎంపీ స్టబ్ అమెరికా ప్రతినిధుల సభలో H-1B వీసాలను రద్దు చేస్తూ ఒక బిల్లును ప్రవేశపెట్టారు. విదేశీయులకు ప్రాధాన్యత ఇవ్వడం అమెరికాకు హానికరమని స్టబ్ అన్నారు. అమెరికన్ యువతకు ఉద్యోగాలు లభించడం లేదని ఆయన వాదించారు.ఫ్లోరిడా రాష్ట్రానికి చెందిన రిపబ్లికన్ ప్రతినిధి గ్రెగ్ స్టబ్ అమెరికా కాంగ్రెస్లో సంచలనాత్మక బిల్లును ప్రవేశపెట్టారు. ఆయన ప్రవేశపెట్టిన బిల్లును ఎండింగ్ ఎక్స్ప్లోయేటివ్ ఇంపోర్టెడ్ లేబర్ ఎక్సెంప్షన్స్ యాక్ట్ (ఎక్సైల్ యాక్ట్) అని పిలుస్తారు. దీని ద్వారా, అమెరికాలో H-1B వీసా కార్యక్రమాన్ని పూర్తిగా రద్దు చేయాలని ఆయన ప్రతిపాదించారు.
‘విదేశీ కార్మికులకు ప్రాధాన్యత ఇవ్వడం అమెరికన్ పౌరుల సంక్షేమం మరియు అభివృద్ధికి హాని కలిగిస్తోంది. ఇది జాతీయ ప్రయోజనాలకు విరుద్ధం.’ అని ఆయన అన్నారు. H-1B వీసా కార్యక్రమం కారణంగా అమెరికన్ యువత మరియు కార్మికులు ఉద్యోగాలు కోల్పోతున్నారు. మన పిల్లల కోసం అమెరికన్ కలను కాపాడుకోవాలనుకుంటే, మనం విదేశీయులకు ప్రాధాన్యత ఇవ్వకూడదని ఆయన స్పష్టం చేశారు. ఈ బిల్లు వల్ల అమెరికాలోని ఐటీ రంగం, ముఖ్యంగా భారతీయ నిపుణులు దెబ్బతినే అవకాశం ఉంది. ఎందుకంటే H-1B వీసాలు లేకుండా USలో ఉద్యోగాలు పొందడం చాలా కష్టం అవుతుంది. భారతదేశంలో ఇప్పటికే వీసా ఇంటర్వ్యూలు వాయిదా పడుతున్నాయి. వీసా స్టాంపింగ్ కోసం వెళ్లిన చాలా మంది భారతీయులు USకు తిరిగి రావడానికి ఇబ్బంది పడుతున్నారు.