D News: కాళేశ్వరం పాదయాత్రపై మంత్రి ఉత్తమ్ కుమార్ రెడ్డి సంచలన వ్యాఖ్యలు చేశారు. కూలిపోయిన కాళేశ్వరం ప్రాజెక్టు దగ్గరకు కేసీఆర్ ఎలా వెళ్తారని ప్రశ్నించారు. బూతుల విషయంలో గతంలో హీరోలా ఫీల్ అయిన కేసీఆర్.. ఇప్పుడు అదే భాషపై ఎందుకు నానా యాగీ చేస్తున్నారని ఉత్తమ్ కౌంటర్ ఇచ్చారు.
కాళేశ్వరం పాదయాత్రపై ఉత్తమ్ షాకింగ్ కామెంట్స్
కేసీఆర్ కాళేశ్వరం పాదయాత్ర చేస్తానని చెప్పడంపై ఉత్తమ్ స్పందించారు. కేసీఆర్ పాదయాత్ర చేస్తానంటే ప్రజలు నవ్వుకుంటున్నారని అన్నారు. కూలిపోయిన కాళేశ్వరం దగ్గరకు సిగ్గులేకుండా ఎలా వెళ్తారని ప్రశ్నించారు.
“నేనే ఇంజనీర్‌ను” అంటూ కట్టించారా?
కాళేశ్వరం ప్రాజెక్టుపై కేసీఆర్ ఇంకా మాట్లాడటం సరికాదని ఉత్తమ్ విమర్శించారు. “నేనే ఇంజనీర్‌ను” అన్నట్టుగా కేసీఆర్ కాళేశ్వరం నిర్మించారని ఎద్దేవా చేశారు. లక్ష కోట్ల రూపాయలు ఖర్చు చేసినా ప్రాజెక్టును సరిగా నిర్మించకపోవడం వల్లే ప్రస్తుత సమస్యలు వచ్చాయని ఆరోపించారు.
నీళ్ల సమస్యకు KCR కారణమా?
తెలంగాణలో నీటి సమస్యకు రెండు కారణాలు ఉన్నాయని ఉత్తమ్ అన్నారు. ఒకటి ఎల్‌నినో ప్రభావం కాగా, మరొకటి కేసీఆర్ అని తీవ్ర వ్యాఖ్యలు చేశారు. నీటి పంపకాల విషయంలో తెలంగాణకు కేసీఆర్ అన్యాయం చేశారని ఆరోపించారు.
SLBC విషయంలో ఎవరు అడ్డుకున్నారు?
పెండింగ్ ప్రాజెక్టులను పూర్తి చేయకుండా అప్పట్లో బీఆర్ఎస్ ప్రభుత్వాన్ని ఎవరు అడ్డుకున్నారని ఉత్తమ్ ప్రశ్నించారు. SLBC ప్రాజెక్టును పూర్తి చేయకుండా ఎవరు అడ్డుకున్నారో కేసీఆర్ చెప్పాలని డిమాండ్ చేశారు. వేసవిలో తాగునీటి అవసరాల కోసం నీటిని పొదుపుగా వినియోగిస్తున్నామని తెలిపారు.
బూతుల విషయంలో KCR ఎందుకు నానా యాగీ?
గతంలో బూతులు మాట్లాడినప్పుడు కేసీఆర్ హీరోలా ఫీల్ అయ్యారని ఉత్తమ్ విమర్శించారు. ఇప్పుడు అదే భాషను కేసీఆర్‌పై ఉపయోగిస్తే నానా యాగీ చేస్తున్నారని అన్నారు. కేసీఆర్ మాట్లాడిన భాష వల్ల తెలంగాణ భాషకు చెడ్డ పేరు వచ్చిందని దుయ్యబట్టారు. ఇరిగేషన్‌పై కేసీఆర్‌కు నాలెడ్జ్ లేదని ఉత్తమ్ విమర్శించారు. కేసీఆర్ బీజేపీకి సరెండర్ అయ్యారని ఆరోపించారు. కేసీఆర్ మాటలు చూస్తే అన్నీ తెలిసినట్టుగా ఉంటాయని, కానీ పనితీరు మాత్రం శూన్యమని అన్నారు.