DET:DEC 13:
మున్నా భయ్యా రీ-ఎంట్రీ అభిమానుల కల నెరవేరింది:
మీర్జాపూర్ వెబ్ సిరీస్‌లో మున్నా భయ్యా పాత్ర పోషించిన దివ్యేందు శర్మ,ఇప్పుడు ఆ పాత్రలో మళ్లీ కనిపించబోతున్నాడు. అయితే ఇది సిరీస్‌లో కాదు రాబోయే మీర్జాపూర్ ది ఫిల్మ్లో.సీజన్ 2లో మున్నా భయ్యా పాత్ర చనిపోయినప్పటికీ,ఆ పాత్రకు ఉన్న ఆదరణ డిమాండ్‌ను దృష్టిలో ఉంచుకుని మేకర్స్ ఈ నిర్ణయం తీసుకున్నారు.ఈ అనూహ్యమైన కమ్-బ్యాక్‌తో అభిమానులు పండుగ చేసుకుంటున్నారు.
పాత్రను జనం మిస్ అవుతున్నారనే విషయం ఎమోషనల్ చేసింది:
మున్నా భయ్యా పాత్ర గురించి దివ్యేందు మాట్లాడుతూ ఆ పాత్రను జనం ఎంతగానో మిస్ అవుతున్నారని తెలుసుకోవడం తనకు చాలా ఎమోషనల్గా అనిపించిందని చెప్పారు.సీజన్ 2 తర్వాత మున్నా భయ్యా మళ్లీ రావాలని వేలాది మంది సందేశాలు పంపేవారు.సోషల్ మీడియాలో ఎక్కడ చూసినా ఆ పాత్రపై ప్రేమ కనిపించేది.ఆ పాత్ర పట్ల ప్రజలకు ఉన్న ఈ అనుబంధం చూసి నా కళ్ళు చెమర్చాయి అని ఆయన ఒక ఇంటర్వ్యూలో పేర్కొన్నారు.అభిమానుల కోసమే ఈ నిర్ణయం తీసుకున్నామని,ఇది వారి ప్రేమకు ఇచ్చిన గౌరవం అని దివ్యేందు అన్నారు.
సినిమా కథాంశంపై ఆసక్తికర చర్చ
మీర్జాపూర్ ది ఫిల్మ్ కథాంశం ఎలా ఉండబోతోందనే దానిపై ఇప్పుడు సర్వత్రా ఆసక్తి నెలకొంది.మున్నా భయ్యా పాత్ర మళ్లీ ఎలా వస్తుంది?అతను చనిపోకముందు ఉన్న కథాంశాన్ని చూపిస్తారా? లేదా మున్నా భయ్యాకు పునర్జన్మ ఉంటుందా? అనే విషయాలు చర్చనీయాంశంగా మారాయి.అయితే అందుబాటులో ఉన్న సమాచారం ప్రకారం,సినిమా కథాంశం బహుశా మీర్జాపూర్ సిరీస్‌లోని గతంలో జరిగిన సంఘటనలను లేదా మున్నా భయ్యా ఎదుగుదలను చూపించే అవకాశం ఉంది.ఈ రీ-ఎంట్రీ వెనుక ఉన్న అసలు రహస్యం గురించి దివ్యేందు గోప్యత పాటించారు.
అభిమానుల అంచనాలు భారీ అంచనాలు:
దివ్యేందు శర్మ మళ్లీ మున్నా భయ్యాగా రావడం అనేది అభిమానులకు ఒక గొప్ప కానుక.తన నటన,డైలాగ్ డెలివరీతో మున్నా భయ్యా పాత్రను చిరస్మరణీయంగా మార్చేశాడు దివ్యేందు.మున్నా అంటే కేవలం గూండా మాత్రమే కాదు,కోపం,దురాశ, అమాయకత్వం కలగలిసిన ఒక విభిన్నమైన వ్యక్తిత్వం అని ఆయన అన్నారు.అందుకే ఈ పాత్ర రీ-ఎంట్రీపై ఫ్యాన్స్ భారీ అంచనాలు పెట్టుకున్నారు.