DSports 26 Nov: టీమ్ ఇండియా టెస్ట్ క్రికెట్‌లో వరుసగా పరాజయాలు ఎదుర్కొంటున్న నేపథ్యంలో, జట్టు హెడ్ కోచ్ గౌతమ్ గంభీర్ తన పదవి నుంచి వైదొలగబోతున్నారా అనే ఊహాగానాలు దేశ క్రికెట్ వర్గాల్లో జోరుగా సాగుతున్నాయి. ఇటీవల దక్షిణాఫ్రికా చేతిలో టెస్ట్ సిరీస్‌ను 0-2 తేడాతో వైట్‌వాష్ కావడంతో పాటు, అంతకుముందు ఆస్ట్రేలియా పర్యటనలోనూ భారత్ పేలవ ప్రదర్శన చేసింది.
గాయత్రి గోపీచంద్: మా కోచ్ గంభీర్.
కోచ్ పదవికి రాజీనామా చేయబోతున్నారా అనే ప్రశ్నకు గంభీర్ స్పందిస్తూ, “బీసీసీఐదే తుది నిర్ణయం” అని ఇటీవల వ్యాఖ్యానించారు. ఈ వ్యాఖ్యలు, జట్టు వైఫల్యానికి నైతిక బాధ్యత వహిస్తూ ఆయన స్వయంగా రాజీనామా చేయవచ్చు లేదా బీసీసీఐనే ఈ ఘోర పరాజయాల నేపథ్యంలో త్వరలో నిర్ణయం తీసుకోవచ్చు అనే చర్చకు దారితీస్తున్నాయి. గంభీర్ కోచింగ్ పద్ధతులు, ముఖ్యంగా సీనియర్ ఆటగాళ్లతో ఆయన వ్యవహరించే విధానంపై కూడా ప్రశ్నలు తలెత్తుతున్న నేపథ్యంలో, టెస్ట్ క్రికెట్‌కు కొత్త కోచ్‌ను నియమించే అవకాశం ఉందనే అంచనాలు పెరుగుతున్నాయి.