Suryakumar Yadav: టీమిండియా స్టార్ క్రికెటర్, మాజీ టీ20 కెప్టెన్ సూర్యకుమార్ యాదవ్ ప్రధానమంత్రి నరేంద్ర మోదీతో ప్రత్యేకంగా భేటీ అయ్యారు. ఈ సందర్భంగా 2026 టీ20 ప్రపంచకప్‌లో సాధించిన విజయానికి గుర్తుగా గెలుచుకున్న గోల్డ్ మెడల్‌ను ధరించి కనిపించారు.
న్యూఢిల్లీ: టీమిండియా స్టార్ క్రికెటర్ సూర్యకుమార్ యాదవ్ తన భార్య దేవీశా శెట్టితో కలిసి ప్రధానమంత్రి నరేంద్ర మోదీని కలిశారు. దేశ రాజధాని ఢిల్లీలో జరిగిన ఈ సమావేశంలో సూర్య దంపతులు ప్రధానితో కొంత సమయం గడిపారు.
ఈ భేటీలో సూర్యకుమార్ యాదవ్ మెడలో 2026 టీ20 ప్రపంచకప్‌లో సాధించిన గోల్డ్ మెడల్ ప్రత్యేక ఆకర్షణగా నిలిచింది. సూర్య దంపతులతో పాటు ఓ చిన్నారి కూడా ప్రధానిని కలిసింది. ఆ బాలిక కన్నడ భాషలో వినాయకుడి భక్తి గీతాలను ఆలపించి మోదీని ఆకట్టుకుంది.
ఈ సమావేశానికి సంబంధించిన వీడియోను ప్రధాని మోదీ తన ఎక్స్ (ట్విట్టర్) ఖాతాలో షేర్ చేశారు. దీపావళి సందర్భంగా శ్రీరాముడు, సరయూ నది దివ్య కాంతులతో వెలిగిపోయాయని, ఆ పవిత్రమైన దృశ్యాలు పండుగ శోభను మరింత పెంచాయని ఆయన పేర్కొన్నారు.
14 ఏళ్ల వనవాసం ముగించుకుని శ్రీరాముడు అయోధ్యకు తిరిగి వచ్చిన సందర్భాన్ని గుర్తుచేస్తూ సరయూ నది తీరంలో నిర్వహించే దీపావళి వేడుకల విశిష్టతను ప్రధాని తన సందేశంలో వివరించారు.