DSports Dec30 2025:మయన్మార్‌తో జరిగిన అంతర్జాతీయ టీ20 మ్యాచ్‌లో భూటాన్ లెఫ్ట్ ఆర్మ్ స్పిన్నర్ సోనం యేశే ఈ అద్భుత ఘనతను సాధించాడు. టీ20 క్రికెట్ చరిత్రలో (అంతర్జాతీయ మరియు దేశవాళీ లీగ్‌లతో కలిపి) ఒకే ఇన్నింగ్స్‌లో 8 వికెట్లు తీసిన తొలి బౌలర్‌గా అతను నిలిచాడు.
- 4 ఓవర్లలో కేవలం 7 పరుగులు మాత్రమే ఇచ్చి 8 వికెట్లు పడగొట్టాడు. ఇందులో ఒక మెయిడిన్ ఓవర్ కూడా ఉంది. మయన్మార్ జట్టు ఈ స్పిన్ మాయాజాలానికి కకావికలమైంది. 128 పరుగుల లక్ష్యంతో బరిలోకి దిగిన మయన్మార్, సోనం ధాటికి కేవలం 45 పరుగులకే ఆలౌట్ అయింది.
తన స్పెల్‌లో భాగంగా సోనం ఒకే ఓవర్‌లో మూడు వికెట్లు తీయడమే కాకుండా, ప్రత్యర్థి బ్యాటింగ్ లైనప్‌ను పూర్తిగా కుప్పకూల్చాడు. - ఇప్పటివరకు పురుషుల టీ20 క్రికెట్‌లో ఒకే ఇన్నింగ్స్‌లో అత్యుత్తమ బౌలింగ్ ప్రదర్శనగా 7 వికెట్ల రికార్డు ఉండేది.గతంలో మలేషియా బౌలర్ స్యాజ్రుల్ ఇద్రుస్ (7/8) మరియు బహ్రెయిన్ బౌలర్ అలీ దావుద్ (7/19) మాత్రమే 7 వికెట్ల మార్కును అందుకున్నారు.ఇప్పుడు సోనం యేశే ఆ రికార్డులన్నింటినీ అధిగమించి ‘నయా వరల్డ్ రికార్డ్’ నెలకొల్పాడు.
- 22 ఏళ్ల సోనం యేశే భూటాన్‌కు చెందిన లెఫ్ట్ ఆర్మ్ ఆర్థోడాక్స్ స్పిన్నర్. 2022లో అంతర్జాతీయ క్రికెట్‌లోకి అడుగుపెట్టిన అతను, ప్రస్తుతం జరుగుతున్న సిరీస్‌లో అద్భుత ఫామ్‌లో ఉన్నాడు. కేవలం 4 మ్యాచ్‌ల్లోనే అతను 12 వికెట్లు తీసి అందరి దృష్టిని ఆకర్షించాడు.