DNews: 31 Oct: చిత్తూరు మేయర్, ఆయన భార్య హత్య కేసులో కోర్టు సంచలన తీర్పు వెలువరించింది. ఐదుగురు నిందితులకు మరణశిక్ష ఖరారు చేసింది. ఈ మేరకు శుక్రవారం చిత్తూరు కోర్టు తీర్పు వెలువరించింది. హత్య ఘటన 2015 నవంబర్ 17న జరిగింది.
చిత్తూరు మేయర్ కఠారి అనురాధ, మోహన్ హత్యకు గురయ్యారు. ఈ సంఘటన మున్సిపల్ కార్పొరేషన్ కార్యాలయంలోనే జరిగింది. ఈ హత్య కేసులో నిందితులైన చంద్రశేఖర్, జీఎస్ వెంకటాచలపతి, జయప్రకాష్ రెడ్డి, మంజునాథ్, వెంకటేష్ లకు కోర్టు మరణశిక్ష విధించింది.
కోర్టు తీర్పు సందర్భంగా పోలీసులు ముందు జాగ్రత్త చర్యలు తీసుకున్నారు. ర్యాలీలు, వేడుకలు నిర్వహించకుండా ఆంక్షలు విధించారు. కోర్టు పరిసర ప్రాంతాల్లో కూడా భద్రత ఏర్పాటు చేశారు.
కేసు వివరాలు:
చిత్తూరు మేయర్ కఠారి అనురాధ, మోహన్ నవంబర్ 17, 2015న హత్యకు గురయ్యారు. ఈ సంఘటన చిత్తూరు మున్సిపల్ కార్పొరేషన్ కార్యాలయంలో జరిగింది. కఠారి మోహన్, ఆయన మేనల్లుడు చింటు మధ్య వ్యక్తిగత, ఆర్థిక, రాజకీయ విభేదాలు తలెత్తాయి. ఈ నేపథ్యంలో, వారిని అంతమొందించడానికి చింటూ ఒక పథకం వేశాడు. అతను మరో నలుగురితో కలిసి మున్సిపల్ కార్పొరేషన్ కార్యాలయంలోకి ప్రవేశించి కఠారి అనురాధపై కాల్పులు జరిపాడు. పక్క గదిలో ఉన్న కఠారి మోహన్ను నరికి చంపారు. ఫలితంగా, వారిద్దరూ ప్రాణాలు కోల్పోయారు. ఆ హత్య అప్పట్లో సంచలనం సృష్టించింది.
దాదాపు 10 సంవత్సరాల పాటు విచారణ కొనసాగింది. 352 విచారణలు మరియు 130 మంది సాక్షుల విచారణ తర్వాత, ఐదుగురికి మరణశిక్ష విధించబడింది. A1గా ఉన్న చింటూకు రూ. 70 లక్షల జరిమానా కూడా విధించబడింది. మేయర్ కుటుంబానికి రూ. 50 లక్షలు, ప్రమాదంలో గాయపడిన సతీష్కు రూ. 20 లక్షలు ఇవ్వాలని కోర్టు ఆదేశించింది. దోషులను కడప జైలుకు తరలిస్తారు. పోలీసులు దీనికి ఏర్పాట్లు చేశారు.