DET:OCT30:
రణబీర్ కపూర్ ఆర్కే ఫిల్మ్స్ పునరుద్ధరణ:దీపికా పదుకొణెతో గ్రాండ్ కంబ్యాక్!
బాలీవుడ్ స్టార్ హీరో రణబీర్ కపూర్ తన తాతగారు,దివంగత లెజెండ్ రాజ్ కపూర్ స్థాపించిన చారిత్రక నిర్మాణ సంస్థ ఆర్కే ఫిల్మ్స్ అండ్ స్టూడియోస్’ను పునరుద్ధరించడానికి భారీ ప్లాన్ చేస్తున్నారట.ఇప్పటికే యానిమల్,త్వరలో రాబోతున్న రామాయణ్,సంజయ్ లీలా భన్సాలీ లవ్ అండ్ వార్ వంటి బిగ్ ప్రాజెక్ట్‌లతో బిజీగా ఉన్న రణబీర్,తన తదుపరి అతిపెద్ద అడుగుగా ఈ ఆర్కే ఫిల్మ్స్ రీవైవల్ను భావిస్తున్నట్లు సమాచారం.ఈ పునరుద్ధరణ ప్రణాళికలో భాగంగా,రణబీర్ తన మాజీ సహనటి,స్టార్ హీరోయిన్ దీపికా పదుకొణెతో కలిసి ఒక కొత్త ప్రాజెక్ట్‌లో నటించబోతున్నారని ఇండస్ట్రీ వర్గాల్లో గట్టిగా వినిపిస్తోంది.
రామాయణ్,లవ్ అండ్ వార్ తర్వాత మరో బిగ్ ప్రాజెక్ట్!
రణబీర్ కపూర్ ప్రస్తుతం తన కెరీర్‌లో అత్యంత ప్రతిష్టాత్మకమైన ప్రాజెక్ట్‌లు అయిన నితేశ్ తివారీ రామాయణ్,అలాగే అలియా భట్, విక్కీ కౌశల్‌లతో కలిసి నటించబోతున్న లవ్ అండ్ వార్ చిత్రాలపై దృష్టి సారించారు.అయితే,వీటన్నింటి తర్వాత రణబీర్ కపూర్ ప్లాన్ చేస్తున్న ఆర్కే ఫిల్మ్స్ రీవైవల్ ప్రాజెక్టే ఇప్పుడు చర్చనీయాంశంగా మారింది.ఇది కేవలం ఒక కొత్త సినిమా తీయడం మాత్రమే కాదు,రాజ్ కపూర్ వారసత్వాన్ని,స్టూడియో పూర్వ వైభవాన్ని తిరిగి తీసుకురావాలనే లక్ష్యంతో రణబీర్ ఈ ప్లాన్ వేస్తున్నారట.ఈ బ్యానర్ కింద సినిమాలు నిర్మించడంతో పాటు,బాలీవుడ్ ఈవెంట్లు నిర్వహించే విధంగా స్టూడియోను ఒక ప్రధాన కేంద్రంగా మార్చాలని ఆయన యోచిస్తున్నారని టాక్.
దీపికా పదుకొణెతో పదేళ్ల తర్వాత మళ్ళీ కలుస్తున్న జంట:
రణబీర్,దీపికా పదుకొణె ఆన్-స్క్రీన్ కెమిస్ట్రీ ఎంత అద్భుతంగా ఉంటుందో తెలిసిందే.బచ్నా ఏ హసీనో,యే జవానీ హై దీవానీ, తమాషా వంటి చిత్రాలతో ఈ జంట ప్రేక్షకుల మనసులను గెలుచుకుంది.వీరిద్దరూ చివరగా 2015లో వచ్చిన తమాషా సినిమాలో కలిసి నటించారు.దాదాపు దశాబ్ద కాలం తర్వాత,ఇప్పుడు ఆర్కే ఫిల్మ్స్ బ్యానర్ పునరుద్ధరణలో భాగంగా,వీరిద్దరూ కలిసి మళ్లీ నటించడానికి సిద్ధమవుతున్నారని సమాచారం.
ఈ కొత్త చిత్రం ప్రముఖ దర్శకుడు అయాన్ ముఖర్జీ డైరెక్షన్‌లో ఉంటుందని,ఇది ఫ్యామిలీ డ్రామా నేపథ్యంలో తెరకెక్కనుందని పుకార్లు వినిపిస్తున్నాయి.ఈ సినిమా కోసం ఇప్పటికే దీపికా,రణబీర్ డేట్స్ కూడా కేటాయించినట్లు తెలుస్తోంది.
డిసెంబర్‌లో రాజ్ కపూర్ పుట్టినరోజున అధికారిక ప్రకటన?
ప్రస్తుతం ఆర్కే ఫిల్మ్స్ పునరుద్ధరణకు సంబంధించిన చట్టపరమైన,ఇతర పనులు చివరి దశలో ఉన్నాయట.డిసెంబర్ మధ్య నాటికి ఈ సమస్యలన్నీ పరిష్కారం అవుతాయని ఇండస్ట్రీ వర్గాలు చెబుతున్నాయి.అంతేకాకుండా దివంగత రాజ్ కపూర్ గారి పుట్టినరోజు అయిన డిసెంబర్ 14న,ఈ భారీ ప్రాజెక్ట్‌కు సంబంధించిన అధికారిక ప్రకటన వెలువడే అవకాశం ఉందని సినీ వర్గాల్లో బలమైన చర్చ నడుస్తోంది.ఈ ప్రకటన రణబీర్ కపూర్ ఫ్యాన్స్‌కు,అలాగే ఆర్కే ఫిల్మ్స్ అభిమానులకు ఒక పెద్ద ట్రీట్ అవుతుందని చెప్పవచ్చు.