DET:OCT24:
ప్రభాస్ ‘స్పిరిట్’లో వివేక్ ఒబెరాయ్!
బాలీవుడ్ నటుడు వివేక్ ఒబెరాయ్,ప్రభాస్ హీరోగా సందీప్ రెడ్డి వంగ దర్శకత్వం వహిస్తున్న యాక్షన్ డ్రామా ‘స్పిరిట్’సినిమాలో భాగమయ్యారు.ఈ విషయాన్ని ఆయన అధికారికంగా ప్రకటించారు.ప్రభాస్ పుట్టినరోజు అక్టోబర్ 23 సందర్భంగా సినిమా మేకర్స్ ఒక సౌండ్ స్టోరీని విడుదల చేశారు.అందులో వివేక్ ఒబెరాయ్ పేరు కూడా వెల్లడైంది.
తన పాత్ర గురించి వివేక్ ఒబెరాయ్ ఉత్సాహం:
ఈ ప్రాజెక్ట్‌లో భాగం కావడంపై వివేక్ ఒబెరాయ్ చాలా ఉత్సాహంగా ఉన్నారు.తన సోషల్ మీడియాలో ఆయన ఒక పోస్ట్ చేస్తూ, “#OneBadHabit మిమ్మల్ని #inspiritmode లోకి తీసుకురావడానికి సరిపోతుంది.ఆ ‘సౌండ్-స్టోరీ’ఎంత పవర్‌ఫుల్‌గా ఉందో!రెబల్ స్టార్ #Prabhasగారికి పుట్టినరోజు శుభాకాంక్షలు!ఈ సర్ప్రైజ్ మీ స్ఫూర్తిని పెంచిందని ఆశిస్తున్నాను!మీ అద్భుతమైన మ్యాజిక్‌తో ఈ యాక్షన్‌ను తెరపైకి తీసుకురావడం చాలా ఉత్సాహంగా ఉంది @imvangasandeep!”అని రాశారు.ఈ పోస్ట్‌తో ఆయన పాత్ర పట్ల ఆయనకున్న ఆసక్తిని ప్రాజెక్ట్‌పై ఉన్న నమ్మకాన్ని తెలియజేశారు.
ఫ్యాన్స్ నుంచి భారీ స్పందన:
వివేక్ ఒబెరాయ్ ఎంట్రీ పట్ల అభిమానులు కూడా సంతోషంగా ఉన్నారు.రక్తచరిత్ర సినిమాలో ఆయన నటించిన ‘ప్రతాప్ రవి’ పాత్రలోని శక్తిని మళ్ళీ స్పిరిట్ లో చూడాలని అభిమానులు ఆసక్తిగా ఎదురుచూస్తున్నారు.ప్రభాస్‌తో వివేక్ ఒబెరాయ్ తలపడే సన్నివేశాలు సినిమాకే హైలైట్‌గా నిలుస్తాయని ఫ్యాన్స్ భావిస్తున్నారు.వివేక్ ఒబెరాయ్ విలన్‌గా నటిస్తారా లేక కీలక పాత్ర పోషిస్తారా అనే దానిపై ఇంకా అధికారిక ప్రకటన రాలేదు.
స్పిరిట్ కథ,తారాగణం వివరాలు:
సినిమా ఒక ఇంటెన్స్ యాక్షన్ థ్రిల్లర్‌గా రూపొందుతున్నట్లు తెలుస్తోంది.సౌండ్ స్టోరీ ప్రకారం ప్రభాస్ ఇందులో మాజీ IPS అధికారి పాత్ర పోషిస్తున్నట్లు సమాచారం.చిత్రంలో త్రిప్తి డిమ్రి హీరోయిన్‌గా నటిస్తున్నారు.ప్రకాష్ రాజ్,కంచన వంటి ప్రముఖ నటులు కూడా కీలక పాత్రల్లో కనిపిస్తారు.సందీప్ రెడ్డి వంగ,ప్రభాస్ కాంబినేషన్‌లో వస్తున్న ఈ సినిమాపై దేశవ్యాప్తంగా అంచనాలు భారీగా ఉన్నాయి.ఈ సినిమా తెలుగుతో పాటు హిందీ,తమిళం,కన్నడ,మలయాళం,మాండరిన్,జపనీస్,కొరియన్ భాషల్లో కూడా విడుదల కానుంది.