DNews: Mar11: అసెంబ్లీ సమావేశాల్లో కూటమి ప్రభుత్వం సెల్ఫ్ డబ్బా కొట్టుకుంది అని వైఎస్‌ఆర్‌సిపి అధినేత వైఎస్ జగన్ విమర్శించారు. జాకీలను పెట్టి ఒకరినొకరు లేపుకుని ప్రయత్నించారని ఆయన ఆరోపించారు. ఎన్నికల్లో ఇచ్చిన హామీల గురించి అసెంబ్లీలో ఏమైనా ప్రస్తావించారా అని వైఎస్ జగన్ ప్రశ్నించారు. చంద్రబాబు ప్రభుత్వం విద్యార్థులను, రైతులను మోసం చేస్తోందని ఆయన అన్నారు.
తాడేపల్లిలో మీడియాతో మాట్లాడుతూ, వైఎస్ఆర్సీపీ అధినేత వైఎస్ జగన్ మాట్లాడుతూ, “ఏపీలో 16 రోజుల అసెంబ్లీ సమావేశాల్లో ప్రజలకు జరిగింది సున్నా . అసెంబ్లీ సమావేశాల్లో చంద్రబాబు తన కొడుకుపై జాకీలు పెట్టి లేపారు . లోకేష్.. చంద్రబాబుపై జాకీలు పెట్టి లేపారు. చంద్రబాబు, లోకేష్ పై పవన్ కళ్యాణ్ జాకీలు పెట్టి లేపాడు . పైగా, ప్రజలకు ఏమీ చేయలేదు. మీరు ఇచ్చిన హామీల గురించి అసెంబ్లీలో ప్రస్తావించలేదు. ఎన్నికల సమయంలో ఇచ్చిన హామీల ప్రకారం, ప్రతి నిరుద్యోగికి రూ.1.08 లక్షల బకాయి ఉంది. నిరుద్యోగ భృతి అడిగినప్పుడు సమాధానం లేదు. 18 సంవత్సరాలు నిండిన మరియు 60 సంవత్సరాల కంటే తక్కువ వయస్సు ఉన్న మహిళలకు ఆడబిడ్డ నిధి కింద రూ.1500 ఇస్తామని హామీ ఇచ్చారు. 50 సంవత్సరాలు నిండిన ఎస్సీ, ఎస్టీ, బీసీ, మైనారిటీ మహిళలకు నెలకు రూ.4000 పెన్షన్ ఇస్తామని చెప్పారు. హామీ అమలు అయిందా? అని ప్రశ్నించారు