DET:NOV 07:
నయా సెన్సేషన్ సృష్టించిన ‘అడి అలయే’
సినిమా ప్రియులు ఎంతో ఆసక్తిగా ఎదురుచూస్తున్న శివకార్తికేయన్ పరాశక్తి చిత్రం నుండి విడుదలైన మొదటి సింగిల్ అడి అలయే ఓ కొత్త సెన్సేషన్ను క్రియేట్ చేసింది.సుధా కొంగర దర్శకత్వంలో రూపొందుతున్న ఈ పీరియడ్ డ్రామాలో ఒకవైపు విప్లవాత్మక కథాంశం ఉంటుందని భావించిన ఫ్యాన్స్కి,ఈ పాటలో నాయకానాయికల మధ్య హాయిగా సాగే ప్రేమకథను చూపించి ఒక స్వీట్ సర్ప్రైజ్ ఇచ్చారు.విడుదలైన కొద్ది గంటల్లోనే ఈ పాట సోషల్ మీడియాలో ట్రెండింగ్గా మారింది.
శివకార్తికేయన్ – శ్రీలీల కెమిస్ట్రీ అద్భుతం:
యువ నటుడు శివకార్తికేయన్,టాలెంటెడ్ హీరోయిన్ శ్రీలీల మధ్య ఉన్న రొమాంటిక్ కెమిస్ట్రీ ఈ పాటకు హైలైట్గా నిలిచింది.పాత కాలం నాటి లుక్లో వీరిద్దరూ చేసిన డాన్స్,వీళ్ళ లవ్ ట్రాక్ సీన్స్ ప్రేక్షకులను బాగా ఆకట్టుకున్నాయి.ముఖ్యంగా,శ్రీలీల డెబ్యూ చిత్రమైనప్పటికీ,శివకార్తికేయన్తో సమానంగా తన స్క్రీన్ ప్రజెన్స్తో మెప్పించింది.రోడ్లపై ఉల్లాసంగా డ్యాన్స్ చేయడం,కారులో కలల ప్రపంచంలో విహరించినట్టు ఉండే వీరి విజువల్స్ చాలా అందంగా ఉన్నాయి.
జి.వి. ప్రకాష్ సంగీత ప్రవాహం:
సంగీత దర్శకుడు జి.వి. ప్రకాష్ కుమార్ కి ఇది 100వ మైలురాయి చిత్రం కావడం విశేషం.ఆయన సంగీతం అందించిన అడి అలయే పాటలో పాతకాలం నాటి సంగీతం,లైవ్ మ్యూజిక్ ఫీల్ ఉందని సంగీత అభిమానులు ఆనందం వ్యక్తం చేస్తున్నారు.ఈ మెలోడీ సాంగ్ పాత ట్యాప్ రికార్డర్ ఫీల్ ను ఇస్తుందని దర్శకురాలు సుధా కొంగర కూడా చెప్పారు.శేన్ రోల్డన్,ధీ ఆలపించిన ఈ పాటలో గీత రచయిత ఏకాదశి సాహిత్యం కూడా అద్భుతంగా కుదిరింది.
అంచనాలను పెంచిన సుధా కొంగర దర్శకత్వం:
ఇరుధి సుట్రు,నేషనల్ అవార్డు గెలుచుకున్న సూరారై పొట్రు వంటి అద్భుతమైన చిత్రాలను తీసిన సుధా కొంగర ఈ చిత్రానికి దర్శకత్వం వహించారు.ఈమె దర్శకత్వంలో వస్తున్న ఈ పీరియడ్ డ్రామాపై ఇప్పటికే భారీ అంచనాలు ఉన్నాయి.రవి కె. చంద్రన్ సినిమాటోగ్రఫీ,పీరియడ్ డ్రామాకు తగ్గట్టుగా ఉన్న విజువల్స్ పాటను మరింత రిచ్గా చూపించాయి.ఈ చిత్రం 2026 సంక్రాంతి కానుకగా జనవరి 14న విడుదల కానుంది.