DSports 05Feb 2026:ఇస్లామాబాద్: టీ-20 ప్రపంచకప్ 2026లో భారత్, పాకిస్థాన్ మధ్య జరగాల్సిన హై-వోల్టేజ్ మ్యాచ్‌పై పాక్ ప్రధాన మంత్రి షెహబాజ్ షరీఫ్ కీలక వ్యాఖ్యలు చేశారు. బుధవారం ఇస్లామాబాద్‌లో జరిగిన ఫెడరల్ క్యాబినెట్ సమావేశంలో ఆయన మాట్లాడుతూ, భారత్‌తో మ్యాచ్‌ను బహిష్కరించాలనే నిర్ణయానికి కట్టుబడి ఉన్నట్లు ప్రకటించారు.
- స్పష్టమైన వైఖరి: “టీ-20 వరల్డ్ కప్ విషయంలో మేము ఒక స్పష్టమైన నిర్ణయం తీసుకున్నాం. భారత్‌తో మ్యాచ్ ఆడకూడదని క్షుణ్ణంగా చర్చించిన తర్వాతే ఈ నిర్ణయానికి వచ్చాం” అని షరీఫ్ పేర్కొన్నారు.
- బంగ్లాదేశ్‌కు మద్దతు: భద్రతా కారణాల దృష్ట్యా భారత్‌లో ఆడేందుకు నిరాకరించిన బంగ్లాదేశ్‌ను ఐసీసీ టోర్నీ నుంచి తొలగించడాన్ని పాక్ తప్పుబట్టింది. బంగ్లాదేశ్‌కు సంఘీభావంగానే తాము ఈ నిర్ణయం తీసుకున్నట్లు ప్రధాని వెల్లడించారు.
- రాజకీయాలు వద్దు: క్రీడల్లో రాజకీయాలు ఉండకూడదని, కానీ ప్రస్తుత పరిస్థితుల్లో భారత్‌తో ఆడకపోవడమే సరైన నిర్ణయమని ఆయన సమర్థించుకున్నారు.