DSports 11Mar 2026:బర్మింగ్‌హామ్: భారత బ్యాడ్మింటన్ స్టార్ లక్ష్య సేన్ (24) ఆల్ ఇంగ్లాండ్ ఓపెన్ 2026లో తన సత్తా చాటారు. గత వారం బర్మింగ్‌హామ్ వేదికగా జరిగిన ఈ మెగా టోర్నీలో ఆయన ఫైనల్ వరకు దూసుకెళ్లి, రన్నరప్‌గా నిలిచారు. 125 ఏళ్ల చరిత్ర కలిగిన ఈ టోర్నీలో ఫైనల్‌కు చేరడం లక్ష్య సేన్‌కు ఇది రెండోసారి.
- ప్రపంచ నంబర్ వన్‌పై విజయం: తొలి రౌండ్‌లోనే డిఫెండింగ్ ఛాంపియన్, ప్రపంచ నంబర్ 1 క్రీడాకారుడు షి యుకిని ఓడించి టోర్నీకి శుభారంభం పలికారు.
- క్వార్టర్ ఫైనల్స్‌లో సత్తా: మాజీ ఛాంపియన్ లి షి ఫెంగ్‌పై గెలిచి సెమీఫైనల్‌కు చేరుకున్నారు.
- సెమీస్‌లో వీరోచిత పోరాటం: కెనడా ఆటగాడు విక్టర్ లైతో జరిగిన సెమీఫైనల్ లక్ష్య సేన్ పట్టుదలకు అద్దం పట్టింది. సుమారు 1 గంట 37 నిమిషాల పాటు సాగిన ఈ మ్యాచ్‌లో కాలికి బొబ్బలు ఎక్కినా, కండరాలు పట్టివేసినా (Cramps) లెక్కచేయకుండా విజయం సాధించి ఫైనల్‌కు చేరారు.
- ఆదివారం (మార్చి 8) జరిగిన టైటిల్ పోరులో లక్ష్య సేన్.. చైనీస్ తైపీకి చెందిన లిన్ చున్-యితో తలపడ్డారు. సెమీఫైనల్ అలసట ప్రభావం కనిపిస్తున్నా, లక్ష్య చివరి వరకు పోరాడారు. చివరకు 15-21, 20-22 తేడాతో ఓటమి పాలై రన్నరప్‌గా నిలిచారు. రెండో సెట్‌లో 20-22 వరకు తీసుకెళ్లి చైనీస్ తైపీ ప్లేయర్‌కు ముచ్చెమటలు పట్టించారు.
సెమీఫైనల్ తర్వాత శారీరకంగా చాలా అలసిపోయాను, కానీ నా ప్రదర్శన పట్ల సంతృప్తిగా ఉన్నాను. మరిన్ని మెరుగైన విజయాలతో తిరిగి వస్తాను” అని లక్ష్య సేన్ మ్యాచ్ అనంతరం పేర్కొన్నారు.