DET:NOV 21:
మమ్ముట్టి కళంకావల్ విడుదల వాయిదా!
మలయాళ మెగాస్టార్ మమ్ముట్టి నటించిన తాజా చిత్రం కళంకావల్ విడుదల వాయిదా పడింది. వాస్తవానికి ఈ సస్పెన్స్ థ్రిల్లర్ సినిమా నవంబర్ 27, 2025న విడుదల కావాల్సి ఉంది. అయితే, విడుదల తేదీ సమీపిస్తున్న తరుణంలో సినిమా నిర్మాతలు ఈ నిర్ణయాన్ని ప్రకటించారు. ఈ వార్త మమ్ముట్టి అభిమానులను కొంత నిరాశకు గురి చేసింది. ఈ చిత్రానికి జితిన్ కె జోస్ దర్శకత్వం వహించారు.
నిర్మాతల ధీమా: వాయిదా పడింది కానీ విలువ తగ్గలేదు:
సినిమా వాయిదా గురించి ప్రకటిస్తూ, మమ్ముట్టి నిర్మాణ సంస్థ ‘మమ్ముట్టి కంపెనీ’ సోషల్ మీడియా ద్వారా ఒక కీలక సందేశాన్ని విడుదల చేసింది. వారు తమ పోస్ట్‌లో “Delayed, NOT Diminished” అని స్పష్టం చేశారు. మీ ఆతృత మాకు తెలుసు. వేచి చూస్తున్నందుకు ధన్యవాదాలు. ఆ ‘విషం’ త్వరలో రానుంది!! అని చెబుతూ సినిమా స్థాయిని లేదా కంటెంట్‌ను తగ్గించుకోలేదని ధీమా వ్యక్తం చేశారు. కొత్త విడుదల తేదీని త్వరలోనే ప్రకటిస్తామని వారు తెలిపారు.
వాయిదాకు కారణం ఏమిటి?
కళంకావల్ విడుదల వాయిదాకు అధికారికంగా కారణం చెప్పకపోయినా, విశ్వసనీయ వర్గాల సమాచారం ప్రకారం. ఓటీటీ మరియు శాటిలైట్ హక్కుల ఒప్పందాలు ఇంకా కొలిక్కి రాకపోవడమే ప్రధాన కారణంగా తెలుస్తోంది. పెద్ద బడ్జెట్ సినిమాలు థియేటర్లలో విడుదలైన తర్వాత డిజిటల్ ప్లాట్‌ఫామ్‌లలో మంచి డీల్‌లు రావాలని నిర్మాతలు భావిస్తారు. సరైన ఓటీటీ భాగస్వామి దొరికి, లాభదాయకమైన ఒప్పందం కుదిరేవరకు సినిమాను తొందరపడి విడుదల చేయకూడదని చిత్ర బృందం నిర్ణయించుకున్నట్లు సమాచారం.
మమ్ముట్టి కొత్త అవతారం:
ఈ చిత్రంపై అభిమానులకు భారీ అంచనాలు ఉన్నాయి. ఇందులో మమ్ముట్టి మునుపెన్నడూ చూడని పాత్రలో కాస్త గ్రే షేడ్స్ ఉన్న పాత్రలో కనిపించనున్నారని తెలుస్తోంది. వినాయకన్ ఒక పోలీస్ అధికారి పాత్ర పోషించారు. ఇప్పటికే ఈ సినిమాకు సెన్సార్ బోర్డు నుంచి U/A 16+ సర్టిఫికేట్ కూడా లభించింది. ఈ క్రైమ్ థ్రిల్లర్ విడుదల కోసం ప్రేక్షకులు వేచి చూస్తున్నారు. ఈ వాయిదా కేవలం ఒక తాత్కాలిక నిర్ణయం మాత్రమేనని, గొప్ప సినిమాటిక్ అనుభవాన్ని అందించడానికి ఈ సమయాన్ని వినియోగిస్తున్నామని నిర్మాతలు పరోక్షంగా తెలిపారు.