DET:DEC 23:
కెరీర్‌లోనే సవాలుతో కూడిన పాత్ర:
కియారా అద్వానీ ఇప్పటివరకు గ్లామర్ మరియు ఎమోషనల్ రోల్స్‌లో కనిపించి మెప్పించారు.అయితే టాక్సిక్ సినిమాలో ఆమె పోషిస్తున్న పాత్ర ఇప్పటివరకు ఆమె చేసిన అన్ని పాత్రల కంటే భిన్నంగా ఉంటుందని సమాచారం.ఈ సినిమాలో తన పాత్ర శారీరకంగానే కాకుండా మానసికంగా కూడా చాలా సవాలుతో కూడుకున్నదని అందుకే ఇది తన కెరీర్‌లోనే అత్యంత కష్టతరమైన పాత్ర అని ఆమె ఒక ఇంటర్వ్యూలో పేర్కొన్నారు.
గీతూ మోహన్ దాస్ మేకింగ్ స్టైల్:
దర్శకురాలు గీతూ మోహన్ దాస్ తన సినిమాలను చాలా సహజంగా గంభీరంగా తెరకెక్కిస్తారు.టాక్సిక్ విషయంలో కూడా ఆమె ప్రతి పాత్రను చాలా లోతుగా డిజైన్ చేశారట.కియారా ఈ సినిమా కోసం ప్రత్యేకంగా వర్క్‌షాప్స్‌లో కూడా పాల్గొన్నట్లు తెలుస్తోంది.దర్శకురాలి విజన్ కి తగ్గట్టుగా నటించడం తనకు కొత్త అనుభూతిని ఇస్తోందని కియారా చెప్పుకొచ్చారు.
యష్‌తో మొదటిసారి స్క్రీన్ షేరింగ్:
కేజీఎఫ్ స్టార్ యష్‌తో కలిసి నటించడంపై కియారా చాలా ఉత్సాహంగా ఉన్నారు.యష్ సెట్స్‌లో చాలా అంకితభావంతో ఉంటారని ఆయనతో కలిసి పనిచేయడం వల్ల తనలోని నటనను మరింత మెరుగుపరుచుకునే అవకాశం కలిగిందని ఆమె అన్నారు.వీరిద్దరి కాంబినేషన్ వెండితెరపై ఎలా ఉండబోతుందో అని ప్రేక్షకులు కూడా ఎంతో ఆసక్తిగా ఎదురుచూస్తున్నారు.
పాన్ ఇండియా స్థాయిలో భారీ అంచనాలు:
టాక్సిక్ సినిమా 1950ల కాలం నాటి గోవా డ్రగ్ మాఫియా నేపథ్యంలో సాగుతుందని ప్రచారం జరుగుతోంది.భారీ బడ్జెట్‌తో తెరకెక్కుతున్న ఈ సినిమాపై దేశవ్యాప్తంగా భారీ అంచనాలు ఉన్నాయి.కేవలం యాక్షన్ మాత్రమే కాకుండా బలమైన కథాబలం ఉన్న సినిమా కావడంతో కియారా తన పాత్రకు అధిక ప్రాధాన్యత ఇస్తున్నారు.వచ్చే ఏడాది ఈ చిత్రం ప్రేక్షకుల ముందుకు రానుంది.