DSports 12Mar 2026:ముంబై/బెంగళూరు:క్రికెట్ ప్రేమికులు ఎప్పుడెప్పుడా అని ఎదురుచూస్తున్న ఐపీఎల్ 2026 (IPL 19వ సీజన్) షెడ్యూల్ను బీసీసీఐ అధికారికంగా ప్రకటించింది. ఈసారి టోర్నీ ఆరంభ మ్యాచ్లోనే దక్షిణాది జట్ల మధ్య రసవత్తర పోరు జరగనుంది. డిఫెండింగ్ ఛాంపియన్ రాయల్ ఛాలెంజర్స్ బెంగళూరు (RCB), మాజీ ఛాంపియన్ సన్రైజర్స్ హైదరాబాద్ (SRH) జట్లు ఈ సీజన్ తొలి మ్యాచ్లో ఢీకొనబోతున్నాయి.
- ముహూర్తం ఖరారు: మార్చి 28న బెంగళూరులోని చిన్నస్వామి స్టేడియం వేదికగా రాత్రి 7:30 గంటలకు ఈ మెగా లీగ్ ఘనంగా ప్రారంభం కానుంది.
- డిఫెండింగ్ ఛాంపియన్ హోదాలో: గత ఏడాది తొలిసారి కప్పు గెలిచిన ఉత్సాహంలో ఉన్న ఆర్సీబీ, తన సొంత మైదానంలోనే వేటను మొదలుపెట్టనుంది. విరాట్ కోహ్లీ వర్సెస్ ప్యాట్ కమిన్స్ మధ్య పోరుపై భారీ అంచనాలు నెలకొన్నాయి.
- తొలి దశ షెడ్యూల్: ఎన్నికల నేపథ్యంలో బీసీసీఐ ప్రస్తుతం మొదటి 20 మ్యాచ్ల షెడ్యూల్ను మాత్రమే విడుదల చేసింది (మార్చి 28 నుండి ఏప్రిల్ 12 వరకు). మిగిలిన షెడ్యూల్ను త్వరలోనే ప్రకటించనున్నారు.
- హైదరాబాద్ మ్యాచ్లు: ఉప్పల్ స్టేడియంలో సన్రైజర్స్ తన తొలి హోమ్ మ్యాచ్ను ఏప్రిల్ 5న లక్నో సూపర్ జెయింట్స్తో ఆడనుంది. అంతకుముందు ఏప్రిల్ 2న కోల్కతాలో కేకేఆర్తో తలపడాల్సి ఉంది.
- మరో కీలక పోరు: మార్చి 29న ముంబై ఇండియన్స్, కోల్కతా నైట్ రైడర్స్ మధ్య రెండో మ్యాచ్ జరగనుంది.