DSports Dec20:అహ్మదాబాద్: దక్షిణాఫ్రికాతో జరిగిన నిర్ణయాత్మకమైన ఐదో టీ20లో టీమిండియా వీరవిహారం చేసింది. అహ్మదాబాద్‌లోని నరేంద్ర మోదీ స్టేడియం వేదికగా జరిగిన ఈ ఆఖరి పోరులో సూర్యకుమార్ సేన 30 పరుగుల తేడాతో సఫారీలను చిత్తు చేసింది. ఈ విజయంతో ఐదు మ్యాచ్‌ల సిరీస్‌ను భారత్ 3-1 తేడాతో తన ఖాతాలో వేసుకుంది.
- టాస్ ఓడి తొలుత బ్యాటింగ్‌కు దిగిన భారత్ నిర్ణీత 20 ఓవర్లలో 5 వికెట్ల నష్టానికి 231 పరుగుల భారీ స్కోరు సాధించింది.తిలక్ వర్మ 42 బంతుల్లో 73 పరుగులు (10 ఫోర్లు, 1 సిక్స్) చేసి జట్టు టాప్ స్కోరర్‌గా నిలిచాడు.హార్దిక్ పాండ్యా విధ్వంసకర ఇన్నింగ్స్‌తో కేవలం 16 బంతుల్లోనే హాఫ్ సెంచరీ పూర్తి చేసి ఆఖరి పంచ్ ఇచ్చాడు. (మొత్తం 25 బంతుల్లో 63 పరుగులు).ఓపెనర్లు అభిషేక్ శర్మ (34), సంజూ శామ్సన్ (37) మెరుపు ఆరంభాన్ని ఇచ్చారు.
- 232 పరుగుల భారీ లక్ష్యంతో బరిలోకి దిగిన దక్షిణాఫ్రికాకు ఓపెనర్ క్వింటన్ డికాక్ (65) మెరుపు ఆరంభాన్ని ఇచ్చాడు. ఒకానొక సమయంలో సఫారీలు విజయం దిశగా సాగుతున్నట్లు అనిపించినా, భారత బౌలర్లు అద్భుతంగా పుంజుకున్నారు.వరుణ్ చక్రవర్తి తన స్పిన్ మాయాజాలంతో 4 వికెట్లు పడగొట్టి దక్షిణాఫ్రికా వెన్ను విరిచాడుజస్ప్రీత్ బుమ్రా కీలక సమయంలో డికాక్ వికెట్ తీసి మ్యాచ్‌ను మలుపు తిప్పాడు (మొత్తం 2 వికెట్లు).అర్ష్‌దీప్ సింగ్ & హార్దిక్ పాండ్యా తలో వికెట్ తీసి ప్రత్యర్థిని 201 పరుగులకే పరిమితం చేశారు.