DSports Dec22 2025:ఈ మ్యాచ్‌లో టాస్ గెలిచిన భారత కెప్టెన్ హర్మన్‌ప్రీత్ కౌర్ మొదట బౌలింగ్ చేయాలని నిర్ణయించుకుంది. రాత్రి సమయంలో మంచు (Dew) ప్రభావం ఉండే అవకాశం ఉండటంతో, ఛేజింగ్‌కు మొగ్గు చూపుతూ ఆమె ఈ నిర్ణయం తీసుకున్నారు.
టాస్ ఓడి మొదట బ్యాటింగ్ చేసిన శ్రీలంక నిర్ణీత 20 ఓవర్లలో 6 వికెట్ల నష్టానికి 121 పరుగులు చేసింది. లంక బ్యాటర్లలో విష్మి గుణరత్నే (39) టాప్ స్కోరర్‌గా నిలిచింది. భారత బౌలర్లు క్రాంతి గౌడ్, దీప్తి శర్మ, శ్రీ చరణి కట్టుదిట్టంగా బౌలింగ్ చేసి లంకను తక్కువ స్కోరుకే పరిమితం చేశారు.122 పరుగుల స్వల్ప లక్ష్యంతో బరిలోకి దిగిన టీమిండియా, కేవలం 14.4 ఓవర్లలోనే 2 వికెట్లు కోల్పోయి లక్ష్యాన్ని ఛేదించింది.జెమీమా రోడ్రిగ్స్ కేవలం 44 బంతుల్లో 69 (నాటౌట్) పరుగులతో ఆకాశమే హద్దుగా చెలరేగి జట్టుకు ఘనవిజయాన్ని అందించింది.స్టార్ ఓపెనర్ స్మృతి మంధాన (25) ఈ మ్యాచ్‌లోనే టీ20 అంతర్జాతీయ క్రికెట్‌లో 4,000 పరుగుల మైలురాయిని దాటిన తొలి భారతీయ మహిళా క్రికెటర్‌గా ప్రపంచ రికార్డు సృష్టించారు.
8 వికెట్ల తేడాతో ఘనవిజయం సాధించిన భారత్, ఐదు మ్యాచ్‌ల ఈ టీ20 సిరీస్‌లో 1-0 ఆధిక్యంలోకి దూసుకెళ్లింది. వన్డే ప్రపంచకప్ గెలిచిన తర్వాత టీమిండియా ఆడుతున్న తొలి సిరీస్ ఇదే కావడం విశేషం.