DSports 05Feb 2026:నవీ ముంబై: ప్రపంచకప్ వేట ప్రారంభానికి ముందే డిఫెండింగ్ ఛాంపియన్ భారత్ తన ప్రతాపాన్ని చూపింది. టాప్ ఆర్డర్ బ్యాటర్ల మెరుపులు, బౌలర్ల కట్టుదిట్టమైన ప్రదర్శనతో దక్షిణాఫ్రికాను మట్టికరిపించింది. టాస్ గెలిచి బ్యాటింగ్ ఎంచుకున్న భారత్ నిర్ణీత 20 ఓవర్లలో 5 వికెట్ల నష్టానికి 240 పరుగుల భారీ స్కోరు సాధించింది. అనంతరం బ్యాటింగ్‌కు దిగిన దక్షిణాఫ్రికా 20 ఓవర్లలో 7 వికెట్లకు 210 పరుగులకే పరిమితమైంది.
- ఇషాన్ కిషన్ ఊచకోత: ఓపెనర్‌గా బరిలోకి దిగిన ఇషాన్ కిషన్ ప్రత్యర్థి బౌలర్లను ముప్పుతిప్పలు పెట్టాడు. కేవలం 20 బంతుల్లో 7 సిక్సర్లు, 2 ఫోర్లతో 53 పరుగులు చేసి సెంచరీ దిశగా సాగుతూ ‘రిటైర్డ్ అవుట్’గా వెనుదిరిగాడు.
- తిలక్ వర్మ రీ-ఎంట్రీ: గాయం నుంచి కోలుకొని జట్టులోకి వచ్చిన తిలక్ వర్మ అద్భుతమైన ఫామ్‌ను కనబరిచాడు. 19 బంతుల్లోనే 45 పరుగులు (3 ఫోర్లు, 3 సిక్సర్లు) చేసి మిడిలార్డర్‌లో తన స్థానాన్ని సుస్థిరం చేసుకున్నాడు.
- కెప్టెన్ & ఫినిషర్ షో: కెప్టెన్ సూర్యకుమార్ యాదవ్ (16 బంతుల్లో 30) తనదైన శైలిలో మెరవగా, చివర్లో హార్దిక్ పాండ్యా తన విశ్వరూపం చూపాడు. కేవలం 10 బంతుల్లో 30 పరుగులు (3 సిక్సర్లు, 2 ఫోర్లు) చేసి స్కోరును 240కి చేర్చాడు. అక్షర్ పటేల్ (35*) కూడా తన వంతు సహకారం అందించాడు.