గణేష్ చతుర్థి సందర్బంగా అమెజాన్ లో భారీ ఆఫర్లు

D News: Sept 12: వినాయక చవితి పండుగను మరింత ఉత్సాహంగా జరుపుకునేందుకు ప్రముఖ ఈ-కామర్స్ సంస్థ Amazon.in ప్రత్యేక AI ఆధారిత ‘గణేష్ చతుర్థి స్టోర్’ను అందుబాటులోకి తీసుకొచ్చింది. పండుగకు అవసరమైన వస్తువులను ఒకే చోట అందించేలా ఈ ప్రత్యేక స్టోర్‌ను రూపొందించింది.

ఈ స్టోర్‌లో పర్యావరణహిత గణేశ విగ్రహాలు, పూజా సామగ్రి, సాంప్రదాయ ఫ్యాషన్ దుస్తులు, గృహ అలంకరణ వస్తువులు, తీపి పదార్థాలు తదితర ఉత్పత్తులు అందుబాటులో ఉన్నాయి. వీటిపై భారీగా డిస్కౌంట్లను అందిస్తున్నట్లు సంస్థ తెలిపింది.

పండుగకు సంబంధించిన గృహావసరాలు, సాంప్రదాయ దుస్తులు, ఇతర ఉత్పత్తులపై దాదాపు 50 శాతం నుంచి 80 శాతం వరకు ఆఫర్లు లభిస్తున్నాయి. అలాగే Prime సభ్యులకు అదనంగా 5 శాతం తగ్గింపు లభించనుందని సంస్థ పేర్కొంది.

మరోవైపు ‘Amazon Now’ సేవ ద్వారా దేశవ్యాప్తంగా 55కు పైగా ప్రధాన నగరాల్లో పండుగకు అవసరమైన నిత్యావసరాలు, పూజా సామగ్రిని వేగంగా డెలివరీ చేసే సదుపాయాన్ని కల్పిస్తోంది. దీంతో చివరి నిమిషంలో కూడా పూజా సామగ్రి, ఇతర పండుగ అవసరాలను సులభంగా కొనుగోలు చేసుకునే అవకాశం వినియోగదారులకు లభిస్తుంది.

ఈ పండుగ సీజన్‌లో వినియోగదారులకు మరింత వ్యక్తిగతీకరించిన, వేగవంతమైన షాపింగ్ అనుభవాన్ని అందించేందుకు అమెజాన్ అధునాతన AI సాంకేతిక సాధనాలను కూడా అందుబాటులోకి తీసుకొచ్చింది. ఇందులో ‘రూఫస్’ (Rufus) అనే AI అసిస్టెంట్ వినియోగదారులకు వారి అవసరాలు, బడ్జెట్‌కు అనుగుణంగా సరైన ఉత్పత్తులను కనుగొనడంలో సహాయపడుతుంది.

అదేవిధంగా ‘Lens AI’ ఫీచర్ ద్వారా వినియోగదారులు తమకు నచ్చిన వస్తువు ఫొటోను తీసి, దానికి సంబంధించిన ఉత్పత్తులను అమెజాన్‌లో నేరుగా వెతకవచ్చు. దీంతో ఉత్పత్తి పేరును టైప్ చేయాల్సిన అవసరం లేకుండా ఫొటో ఆధారంగా షాపింగ్ చేసే అవకాశం ఉంటుంది.

రూఫస్‌లో అందుబాటులో ఉన్న 30 నుంచి 90 రోజుల ధరల చరిత్ర ఫీచర్ ద్వారా ఉత్పత్తుల ధరల్లో వచ్చిన మార్పులను వినియోగదారులు తెలుసుకోవచ్చు. గతంలో ధర ఎంత ఉంది, ప్రస్తుతం ఎంత ఉంది అనే వివరాలను పరిశీలించి కొనుగోలు నిర్ణయం తీసుకునేందుకు ఈ ఫీచర్ ఉపయోగపడుతుంది.

అంతేకాకుండా ఆయా ఉత్పత్తుల రివ్యూ హైలైట్స్‌ను కూడా రూఫస్ ద్వారా తెలుసుకునే అవకాశం ఉంది. దీంతో వినియోగదారులు ఉత్పత్తుల గురించి ఇతరుల అభిప్రాయాలను సులభంగా అర్థం చేసుకుని, తమకు సరైన వస్తువును ఎంచుకునేందుకు AI సాధనాలు సహాయపడతాయి.

మొత్తంగా వినాయక చవితి సందర్భంగా పూజా సామగ్రి నుంచి గృహ అలంకరణ వస్తువులు, సాంప్రదాయ దుస్తుల వరకు పలు రకాల ఉత్పత్తులను ప్రత్యేక ఆఫర్లతో అందుబాటులోకి తీసుకురావడంతో పాటు, AI ఆధారిత షాపింగ్ సాధనాలతో వినియోగదారుల అనుభవాన్ని మరింత సులభతరం చేయాలని Amazon.in ప్రయత్నిస్తోంది.