DET:NOV 10:
జిమ్ పార్ట్‌నర్ నుంచి లైఫ్ పార్ట్‌నర్ వరకు:
కొద్ది రోజుల క్రితం నుంచీ నటి రజిని,ఫిట్‌నెస్ ట్రైనర్ అరుణ్ గౌడ సోషల్ మీడియాలో తరచుగా కలిసి కనపడేవారు.జిమ్‌కు సంబంధించిన వీడియోలు,ఫన్నీ రీల్స్ చేస్తూ అందరి దృష్టిని ఆకర్షించేవారు.అయితే వీరిద్దరి మధ్య ఏదో ఉందని అభిమానులు అనుమానించినా,తాము కేవలం స్నేహితులం,కంటెంట్ కోసం వీడియోలు చేస్తున్నామని రజిని అప్పట్లో కొట్టిపారేశారు.ఇప్పుడు బెంగళూరులో జరిగిన ఈ నిశ్శబ్ద వివాహం,వారిద్దరి మధ్య స్నేహం కంటే బలమైన బంధం ఉందని నిరూపించింది.
సన్నిహితుల మధ్య వివాహ వేడుక:
రజిని అరుణ్ గౌడల వివాహం ఈ మధ్యనే బెంగళూరులో జరిగింది.మీడియా హడావిడి లేకుండా,కేవలం అత్యంత సన్నిహితులు,కుటుంబ సభ్యులు మాత్రమే ఈ వేడుకకు హాజరయ్యారు.వారి కొత్త ప్రయాణాన్ని ప్రైవేట్‌గా,ప్రశాంతంగా మొదలుపెట్టాలని ఈ జంట నిర్ణయించుకుంది.ప్రస్తుతం వీరి పెళ్లి ఫొటోలు సోషల్ మీడియాలో వైరల్ అవుతున్నాయి.
రజిని టెలివిజన్ ప్రస్థానం:
రజిని గౌడ కన్నడ టీవీ పరిశ్రమలో అమృతవర్షిణి సీరియల్‌తో మంచి గుర్తింపు తెచ్చుకున్నారు.ఈ సీరియల్ ఆమెకు ఎంతోమంది అభిమానులను సంపాదించి పెట్టింది.ప్రస్తుతం ఆమె నీ ఇరలు అనే ధారావాహికలో శక్తివంతమైన విలన్ పాత్రలో నటిస్తున్నారు.ఆమె ఫిట్‌నెస్ విషయంలో కూడా ఎంతో శ్రద్ధ వహిస్తారు,తీరికలేని షూటింగ్ షెడ్యూల్‌లో కూడా యోగా చేస్తూ శారీరక,మానసిక సమతుల్యతను కాపాడుకుంటారు.