నటి నుండి దర్శకురాలిగా సెమ్మలర్ అన్నం: ‘మయిలా’తో ప్రపంచానికి కనెక్ట్ అవుతా!

DET:NOV 08:
సెమ్మలర్ అన్నం తొలి ప్రయత్నం: మయిలా
నటిగా తనదైన ముద్ర వేసుకున్న సెమ్మలర్ అన్నం,ఇప్పుడు ‘మయిలా’ అనే సినిమాతో దర్శకురాలిగా మారింది.ఈ చిత్రం గురించి ఆమె మాట్లాడుతూ,నేను తీసిన సినిమా అందరితో కనెక్ట్ అవుతుంది అని గట్టిగా చెప్పింది.ఈ చిత్రం రొట్టర్‌డామ్ అంతర్జాతీయ చలన చిత్రోత్సవం లో ‘బ్రైట్ ఫ్యూచర్’ విభాగంలో ప్రదర్శన కోసం ఎంపిక కావడంతో ఆమె ఆనందానికి అవధులు లేవు.ఈ అంతర్జాతీయ గుర్తింపు ‘మయిలా’కు ఎంతో ముఖ్యమని ఆమె పేర్కొంది.

పల్లెటూరి మహిళ ప్రయాణం:
తమిళనాడులోని ఒక పల్లెటూరి మహిళ జీవితం,ఆమె పడే ఆర్థిక కష్టాలు,విషపూరితమైన వైవాహిక జీవితం,వాటి నుండి విముక్తి కోసం ఆమె చేసిన పోరాటం ఈ సినిమా కథాంశం.తన నటన ప్రాజెక్టుల కోసం గ్రామాలకు వెళ్లినప్పుడు,అక్కడ మహిళల జీవితాలను దగ్గరగా చూసి,వారి కథలను విన్నప్పుడే ఈ కథకు బీజం పడిందని సెమ్మలర్ అన్నం తెలిపింది. వారి కష్టాలు,ధైర్యం తనను కదిలించాయని చెప్పింది.

ప్రేక్షకులకు ఒక ఓదార్పు:
సినిమా చూసిన ఎవరూ బాధపడకూడదని,వారికి ఒక ఆదరణ లభించాలని తాను బలంగా కోరుకున్నానని సెమ్మలర్ అన్నం చెప్పింది.నటిగా ఎన్నో బాధాకరమైన పాత్రలు పోషించానని,తన నటన చూసి చాలా మంది ఏడ్చారని చెప్పేవారని, అందుకే మయిలా చూసిన తర్వాత ఎవరూ దుఃఖించకూడదనే ఉద్దేశంతో సినిమా తీసినట్లు ఆమె వివరించింది.

నిర్మాత దొరకడానికి కష్టం,పంపిణీకి సహకారం:
ఈ సినిమాకు నిర్మాతను వెతకడానికి చాలా కష్టపడ్డానని,50కి పైగా కథలు చెప్పానని సెమ్మలర్ అన్నం గుర్తు చేసుకుంది. అయితే,దర్శకురాలుగా తన తొలి సన్నివేశం షూట్ చేసినప్పుడు,ఇక ఎవరికీ కథ చెప్పాల్సిన అవసరం లేదు అని ఎంతో సంతృప్తిగా ఫీలయ్యానని చెప్పింది.ఈ సినిమాకు ప్రముఖ దర్శకుడు పా.రంజిత్ అందించడం విశేషం.అంతేకాకుండా, జాతీయ అవార్డు గ్రహీత,ఎడిటర్ ఏ.శ్రీకర్ ప్రసాద్ గారు ఈ సినిమా బాగుందని ప్రోత్సహించడం,దర్శకుడు రామ్ గారు ఈ సినిమా ప్రపంచవ్యాప్తంగా ప్రేక్షకులకు చేరుతుందని చెప్పడం.ఇవన్నీ తనకు మరింత ధైర్యాన్ని ఇచ్చాయని సెమ్మలర్ కృతజ్ఞతగా చెప్పింది.

మహిళా నటుల ప్రాధాన్యత:
ఈ చిత్రంలో నటీనటుల్లో 90 శాతం మంది మహిళలే ఉన్నారని సెమ్మలర్ అన్నం తెలిపింది. షూటింగ్ సమయంలో ఒకే ఫ్రేమ్‌లో అంతమంది మహిళలను చూసి చాలా సంతోషించానని చెప్పింది.ఈ అంశం కావాలని ప్లాన్ చేసింది కాదని,కథలో భాగంగా అది సహజంగానే జరిగిందని ఆమె వివరించింది.ఈ విధంగా,మయిలా కేవలం ఒక సినిమా మాత్రమే కాకుండా, మహిళల జీవితాలను ప్రతిబింబించే ఒక హృదయపూర్వకమైన ప్రయత్నంగా నిలిచిందని చెప్పవచ్చు.