DNews: Feb19: దేశీయ స్టాక్ మార్కెట్ సూచీలు భారీగా పడిపోయాయి. బ్యాంకింగ్, మెటల్, ఆటో, FMCG స్టాక్లలో అమ్మకాల కారణంగా సూచీలు పతనమయ్యాయి. ఇరాన్పై అమెరికా దాడి జరగనుందనే భయాలు మరియు ఫెడ్ వడ్డీ రేట్లపై గందరగోళం సూచీలు పతనానికి కారణమయ్యాయి. ఇది మూడు రోజుల లాభాల పరంపరకు బ్రేక్ వేసింది. పెట్టుబడిదారుల సంపద ఒకే రోజులో దాదాపు రూ. 8 లక్షల కోట్లు ఆవిరైపోయింది. BSEలో జాబితా చేయబడిన కంపెనీల మొత్తం విలువ రూ. 472 లక్షల కోట్ల నుండి రూ. 464 లక్షల కోట్లకు పడిపోయింది. సెన్సెక్స్ ఒక దశలో 1400 పాయింట్లకు పైగా నష్టపోయింది.. నిఫ్టీ 25,500 కంటే దిగువకు పడిపోయింది.
సెన్సెక్స్ ఉదయం 83,969.82 పాయింట్ల వద్ద ప్రారంభమైంది (గతంలో 83,734.25 వద్ద ముగిసింది). కొంతకాలం లాభాల్లో కదిలిన సూచీ క్రమంగా నష్టాల్లోకి జారుకుంది. ఈ క్రమంలో, ఇది ఇంట్రాడేలో 82,264.20 కనిష్ట స్థాయిని తాకింది. చివరికి 1236.11 పాయింట్ల నష్టంతో 82,498.14 వద్ద స్థిరపడింది. నిఫ్టీ 365 పాయింట్ల నష్టంతో 25,454 వద్ద ముగిసింది. సెన్సెక్స్ 30 ఇండెక్స్లో ఒక్కటి కూడా లాభపడలేదు. ఇండిగో, మహీంద్రా & మహీంద్రా, అల్ట్రాటెక్ సిమెంట్, ట్రెంట్ మరియు బిఇఎల్ షేర్లు ప్రధానంగా నష్టపోయాయి.