DET:DEC 22:
దృశ్యం 3 విడుదల తేదీ ఖరారు:
అజయ్ దేవగన్ నటించిన దృశ్యం 3 చిత్రం 2026 అక్టోబర్ 2న ప్రపంచవ్యాప్తంగా థియేటర్లలో విడుదల కానుంది.అక్టోబర్ 2వ తేదీ సల్గాంకర్ కుటుంబానికి ఎంత ముఖ్యమో మనందరికీ తెలిసిందే.గత రెండు భాగాల్లో విజయ్ సల్గాంకర్ తన కుటుంబంతో కలిసి పనాజీ వెళ్ళినట్లు చెప్పిన ఆ తేదీనే ఇప్పుడు మూడో భాగం విడుదలకు కూడా ఎంచుకోవడం విశేషం.
విజయ్ సల్గాంకర్ సరికొత్త వ్యూహం:
ఈసారి దృశ్యం 3 లో కథ మరింత ఉత్కంఠభరితంగా ఉండబోతోంది.ఆఖరి హిస్సా బాకీ హై అంటూ చిత్ర బృందం విడుదల చేసిన ప్రోమో సినిమాపై అంచనాలను పెంచేసింది.గతం ఎప్పటికీ నిశ్శబ్దంగా ఉండదని విజయ్ సల్గాంకర్ ఈసారి పోలీసుల నుంచి తన కుటుంబాన్ని ఎలా కాపాడుకుంటాడనేది వెండితెరపై చూడాల్సిందే.
ఏకకాలంలో నిర్మాణం మరియు భాషలు:
దృశ్యం 3 కథ కేవలం హిందీకే పరిమితం కాకుండా మలయాళంలో మోహన్ లాల్ హీరోగా కూడా అదే సమయంలో రూపొందుతోంది.అన్ని భాషల ప్రేక్షకులకు ఒకేసారి థ్రిల్ అందించాలనే ఉద్దేశంతో మలయాళం మరియు హిందీ వెర్షన్లను వీలైనంత తక్కువ సమయంలో విడుదల చేయడానికి ప్లాన్ చేస్తున్నారు.తెలుగులో విక్టరీ వెంకటేష్ కూడా ఈ ఫ్రాంచైజీని కొనసాగించే అవకాశం ఉంది.
సల్గాంకర్ ప్రయాణం:
మేకర్స్ ఇచ్చిన హింట్ ప్రకారం ఇది దృశ్యం సిరీస్‌లో ఆఖరి భాగం అయ్యే అవకాశం ఉంది.ఇన్నేళ్లుగా విజయ్ సల్గాంకర్ దాచిన రహస్యం బయటపడుతుందా? లేదా ఈసారి కూడా అతను పోలీసుల కళ్లు గప్పి తప్పించుకుంటాడా? అనే ప్రశ్నలకు 2026 గాంధీ జయంతి రోజున సమాధానం దొరుకుతుంది.