DET:MAR 14:
సిక్కు పాత్ర స్మోకింగ్ చేయడంపై అభ్యంతరం:
ఈ సినిమాలో రణ్వీర్ సింగ్ ఒక సిక్కు పాత్రలో కనిపిస్తున్నారు.అయితే సినిమాకు సంబంధించిన పోస్టర్లు మరియు కొన్ని ప్రమోషనల్ వీడియోలలో ఈ సిక్కు పాత్ర సిగరెట్ తాగుతున్నట్లు చూపించడంపై సిక్కు సంఘాలు తీవ్ర ఆగ్రహం వ్యక్తం చేశాయి.సిక్కు మత ఆచారాల ప్రకారం ధూమపానం పూర్తిగా నిషిద్ధమని అలాంటి పవిత్రమైన మతానికి చెందిన వ్యక్తిని అలా చూపించడం తమ మనోభావాలను దెబ్బతీయడమేనని వారు వాదిస్తున్నారు.
ఫిర్యాదుదారుల డిమాండ్లు:
ఈ మేరకు పంపిన లీగల్ నోటీసులో ఫిర్యాదుదారులు ప్రధానంగా మూడు డిమాండ్లు చేశారు.రణ్వీర్ సింగ్ సిక్కు పాత్రలో స్మోకింగ్ చేస్తున్న అన్ని దృశ్యాలను సినిమా నుండి తక్షణమే తొలగించాలి.సోషల్ మీడియా,యూట్యూబ్ మరియు పోస్టర్ల నుండి ఆ విజువల్స్ ఉన్న కంటెంట్ను డిలీట్ చేయాలి.సిక్కు సమాజం మనోభావాలను దెబ్బతీసినందుకు చిత్ర యూనిట్ బహిరంగ క్షమాపణ చెప్పాలి.
సినిమా రిలీజ్పై ప్రభావం?
ధురంధర్ 2 చిత్రం భారీ అంచనాల మధ్య మార్చి 19,2026న విడుదల కావాల్సి ఉంది.ఇప్పటికే సెన్సార్ బోర్డు CBFC ఈ సినిమాకు A సర్టిఫికేట్ ఇచ్చింది మరియు కొన్ని హింసాత్మక దృశ్యాలను తగ్గించింది.అయితే ఇప్పుడు తలెత్తిన ఈ మతపరమైన వివాదం సినిమా విడుదలకు అడ్డంకిగా మారే అవకాశం ఉందని ట్రేడ్ విశ్లేషకులు భావిస్తున్నారు.చిత్ర దర్శకుడు ఆదిత్య ధర్ దీనిపై ఇంకా స్పందించాల్సి ఉంది.