DSports 15 Nov:భారత ఆర్చరీలో తెలుగు తేజం బొమ్మదేవర ధీరజ్‌ తనదైన ముద్ర వేశాడు. ఢాకాలో జరిగిన ఆసియా ఆర్చరీ ఛాంపియన్‌షిప్స్‌-2025లో పురుషుల రికర్వ్ వ్యక్తిగత విభాగంలో స్వర్ణ పతకం సాధించి ధీరజ్‌ పసిడి పట్టాడు. ముఖ్యంగా పురుషుల వ్యక్తిగత రికర్వ్ విభాగంలో ఆసియా టైటిల్ గెలిచిన మొదటి భారతీయ ఆర్చర్‌గా ధీరజ్‌ చరిత్ర సృష్టించాడు.
విజయవాడకు చెందిన 24 ఏళ్ల ఈ యువ ఆర్చర్, శుక్రవారం జరిగిన ఫైనల్ పోరులో తన సహచర భారత ఆటగాడు రాహుల్‌ పవార్యాపై 6-2 తేడాతో విజయం సాధించాడు. ఈ ఫైనల్ మ్యాచ్‌ ఇద్దరు భారతీయుల మధ్య జరగడం దేశ ఆర్చరీకి ఒక గొప్ప పరిణామంగా నిలిచింది. ధీరజ్‌ తన అద్భుతమైన ఏకాగ్రత, స్థిరమైన ప్రదర్శనతో పోటీని తన అదుపులో ఉంచుకున్నాడు.
ఈ విజయం ఆసియా ఆర్చరీలో కొరియా ఆధిపత్యాన్ని బద్దలు కొట్టడంలో భారత్‌కు ఒక మైలురాయిగా నిలిచింది. ధీరజ్‌తో పాటు మహిళల రికర్వ్ వ్యక్తిగత విభాగంలో అంకితా భకత్ కూడా స్వర్ణం గెలుచుకోవడంతో, ఆసియా ఛాంపియన్‌షిప్ చరిత్రలో భారత్ రెండు రికర్వ్ వ్యక్తిగత స్వర్ణాలను గెలిచిన మొట్టమొదటిసారిగా రికార్డు సృష్టించింది. ఈ ఛాంపియన్‌షిప్‌లో భారత్ ఆరు స్వర్ణాలతో సహా మొత్తం 10 పతకాలతో అగ్రస్థానంలో నిలిచి దేశ ఆర్చరీకి స్వర్ణయుగం మొదలైందని చాటి చెప్పింది. పారిస్ ఒలింపిక్స్ కోటా స్థానం సాధించిన ధీరజ్‌కు ఈ చారిత్రక విజయం మరింత ఆత్మవిశ్వాసాన్ని పెంచింది