DET:DEC 19:
లూలూ మాల్‌లో కలకలం నిధి అగర్వాల్‌కు తప్పని ఇబ్బందులు:
ప్రభాస్ హీరోగా నటిస్తున్న ది రాజా సాబ్ చిత్రంలోని సహన సహన అనే పాటను విడుదల చేయడానికి చిత్ర యూనిట్ హైదరాబాద్‌లోని లూలూ మాల్‌లో ఒక కార్యక్రమాన్ని ఏర్పాటు చేసింది.ఈ ఈవెంట్‌కు ముఖ్య అతిథిగా వచ్చిన హీరోయిన్ నిధి అగర్వాల్‌ను చూడటానికి భారీ సంఖ్యలో జనం తరలివచ్చారు.అయితే ఒక్కసారిగా అభిమానులు,ఆకతాయిలు ఆమెపైకి దూసుకురావడంతో అక్కడ తొక్కిసలాట లాంటి పరిస్థితి నెలకొంది.నిధిని అదుపు చేయలేని విధంగా జనం చుట్టుముట్టడంతో ఆమె తీవ్ర అసౌకర్యానికి గురయ్యారు.
సోషల్ మీడియాలో వైరల్ అయిన వీడియో:
ఈ ఘటనకు సంబంధించిన వీడియోలు సోషల్ మీడియాలో విపరీతంగా వైరల్ అయ్యాయి.వీడియోలో నిధి అగర్వాల్ జనం మధ్య చిక్కుకుని,భయం భయంగా ముందుకు వెళ్లడం స్పష్టంగా కనిపిస్తోంది.బాడీగార్డులు ఎంత ప్రయత్నించినప్పటికీ జనం ఆమెను తాకేందుకు,సెల్ఫీల కోసం ఎగబడ్డారు.ఈ క్రమంలో ఆమె పట్ల కొందరు అసభ్యంగా ప్రవర్తించారనే ఆరోపణలు కూడా వినిపిస్తున్నాయి.సెలబ్రిటీల భద్రత విషయంలో నిర్వాహకుల వైఫల్యంపై నెటిజన్లు మండిపడుతున్నారు.
మండిపడ్డ చిన్మయి మృగాల కంటే హీనం:
ఈ వైరల్ వీడియోపై గాయని చిన్మయి శ్రీపాద ఎక్స్‌ వేదికగా ఘాటుగా స్పందించారు.వీళ్లు మగాళ్లు కాదు.జంతువుల కంటే హీనంగా ప్రవర్తిస్తున్నారు.హైనాల గుంపు కంటే దారుణంగా ఉన్నారు అంటూ ఆగ్రహం వ్యక్తం చేశారు.ఒకే రకమైన మనస్తత్వం ఉన్న మగవాళ్లంతా ఒక దగ్గర చేరితే ఒక మహిళను ఇలాగే వేధిస్తారు.ఇలాంటి వారిని దేవుడు ఏదైనా వేరే గ్రహానికి పంపించేస్తే బాగుంటుంది అంటూ ఆమె చేసిన వ్యాఖ్యలు ఇప్పుడు చర్చనీయాంశంగా మారాయి.
సెలబ్రిటీల భద్రతపై ప్రశ్నలు:
పబ్లిక్ ఈవెంట్లలో హీరోయిన్లకు ఇలాంటి అనుభవాలు ఎదురుకావడం ఇదే మొదటిసారి కాదు.గతంలోనూ పలువురు హీరోయిన్లు ఇలాగే అభిమానుల తాకిడికి గురయ్యారు.అయితే మాల్స్ వంటి రద్దీ ప్రాంతాల్లో ఈవెంట్లు నిర్వహించేటప్పుడు సరైన భద్రతా ఏర్పాట్లు చేయకపోవడం వల్లే ఇలాంటి ఘటనలు జరుగుతున్నాయని సినీ విశ్లేషకులు అభిప్రాయపడుతున్నారు.నిధి అగర్వాల్ ఘటన తర్వాత సోషల్ మీడియాలో మహిళా రక్షణపై పెద్ద ఎత్తున చర్చ జరుగుతోంది.