చంద్ర‌బాబు దిగజారుడు మాటలు…తిరుమ‌ల ప్ర‌తిష్ట‌కు భంగం

DNews: Feb09: తిరుమల శ్రీవారి లడ్డూ ప్రసాదంపై చంద్రబాబు, పవన్ కళ్యాణ్, కో. చేస్తున్న దుష్ప్రచారాన్ని చూసి రాష్ట్ర ప్రజలు అసహనం వ్యక్తం చేస్తున్నారని, శ్రీవారి భక్తులను బాధపెట్టడానికే చంద్రబాబు అధికారంలోకి వచ్చారా అని ఆలోచిస్తున్నారని వైఎస్ఆర్సీపీ నాయకుడు చెల్లుబోయిన వేణుగోపాలకృష్ణ అన్నారు. లడ్డూ కోసం ఉపయోగించే నెయ్యిలో జంతువుల కొవ్వు ఉందని చంద్రబాబు చేసిన ప్రచారాన్ని సీబీఐ సిట్ ఛార్జిషీట్ నిరూపించడంతో భక్తులందరూ ఊపిరి పీల్చుకున్నారు. కానీ ఆ నివేదిక తనకు అనుకూలంగా రాలేదనే మండుతున్న భావనతో, తిరుమల ప్రతిష్టను మంటగలిపే విధంగా చంద్రబాబు వ్యవహరిస్తున్నారు. లడ్డూ విషయంలో తన కుట్రలు వెలుగులోకి వచ్చిన తర్వాత రాజకీయంగా కుప్పకూలిన చంద్రబాబు, తన ప్రచారం నిజమేనని ప్రజలను నమ్మించడానికి కొత్త కుట్రలకు తెరలేపారు. లడ్డూ కోసం ఉపయోగించే నెయ్యిలో బాత్రూమ్‌లను శుభ్రం చేయడానికి ఉపయోగించే రసాయనాలు కలిపారని చెబుతూ తిరుమల ప్రతిష్టను దిగజార్చే విధంగా ఆయన మాట్లాడుతున్నారు. ఆయన దేవుడితో కూడా ఆడుకుంటున్నారు, రాజకీయ లబ్ధి కోసం ఆడుతున్నారు. ముఖ్యమంత్రి స్థానంలో ఉన్న చంద్రబాబు బాధ్యతారహితంగా ప్రవర్తిస్తున్నారు. లడ్డూ గురించి మాట్లాడవద్దని కోర్టులు హెచ్చరించినప్పటికీ, సుప్రీంకోర్టు ఆదేశాలను ధిక్కరిస్తూ విషప్రచారం మొదలుపెట్టాడు. భగవంతుడిని నమ్ముకున్న భక్తుల విశ్వాసంతో చంద్రబాబు ఆడుకుంటున్నాడు. దీంతో షాక్ కు గురైన వేణుగోపాలకృష్ణ.. చంద్రబాబు తాను చేసిన తప్పును అంగీకరించి భక్తులకు క్షమాపణ చెప్పాలని డిమాండ్ చేశాడు.