D News : బిగ్ బాస్ తెలుగు 10 మూడో వారం ఆసక్తికరంగా సాగుతోంది. గొడవలు, వాగ్వాదాలు, టాస్కులతో హౌస్‌లో ఉత్కంఠ కొనసాగుతుండగా.. ఈ వారం ఎలిమినేషన్‌పై కూడా చర్చ మొదలైంది. తాజా ప్రచారం ప్రకారం టెంపర్ వంశీ డేంజర్ జోన్‌లో ఉన్నట్లు తెలుస్తోంది.
ఈ వారం వంశీతో పాటు ఝాన్సీ పేరు కూడా ఎలిమినేషన్ రేసులో వినిపిస్తోంది. సోషల్ మీడియాలో జరుగుతున్న చర్చలు, ఓటింగ్ ట్రెండ్స్ ప్రకారం వంశీకే ముప్పు ఎక్కువగా ఉందనే టాక్ నడుస్తోంది. అయితే అధికారిక ఓటింగ్ ఫలితాలు వెల్లడికాలేదు కాబట్టి.. ప్రస్తుతానికి ఇది ప్రచారం మాత్రమే.
దూకుడే వంశీకి మైనస్ అవుతుందా?
హౌస్‌లోకి వచ్చినప్పటి నుంచి వంశీ తన మాటతీరు, దూకుడైన ఆటతీరుతో ప్రేక్షకుల దృష్టిని ఆకర్షిస్తున్నాడు. టాస్కుల్లో తన అభిప్రాయాలను గట్టిగా చెప్పడం, ఇతర కంటెస్టెంట్లతో వాదనలకు దిగడం అతడికి మంచి స్క్రీన్ స్పేస్ తెచ్చింది. అదే సమయంలో ఈ ప్రవర్తన కొంతమంది ప్రేక్షకుల్లో ప్రతికూల అభిప్రాయానికి కారణమవుతోందనే చర్చ కూడా ఉంది.
మరోవైపు తొలి కెప్టెన్‌గా నిలిచిన ఝాన్సీ పేరు కూడా ఎలిమినేషన్ చర్చలో ఉండటం ఆసక్తికరంగా మారింది. అయితే చివరి వరకు ఓటింగ్ ట్రెండ్స్ మారే అవకాశం ఉండటంతో అసలు ఫలితం వీకెండ్ ఎపిసోడ్‌లోనే తేలనుంది. వంశీ నిజంగానే మూడో వారంలో ఎలిమినేట్ అయితే.. అది ఊహించని ఎలిమినేషన్‌గా మారే అవకాశం ఉంది.