DSports 04Feb 2026:టీ20 ప్రపంచకప్ 2026 అధికారిక ప్రసారకర్త అయిన జియో స్టార్ (JioStar), పాకిస్థాన్ క్రికెట్ బోర్డుపై న్యాయపోరాటానికి సిద్ధమవుతున్నట్లు తెలుస్తోంది. ప్రపంచవ్యాప్తంగా అత్యధిక వ్యూయర్షిప్ వచ్చే భారత్-పాక్ మ్యాచ్ రద్దయితే, తమకు కలిగే భారీ నష్టాన్ని భర్తీ చేయాలని డిమాండ్ చేస్తూ జియో స్టార్ కోర్టుకెళ్లే అవకాశం ఉందని వార్తలు వస్తున్నాయి.
- ఒప్పంద ఉల్లంఘన: ఐసీసీ (ICC) తో కుదుర్చుకున్న ప్రసార హక్కుల ఒప్పందంలో భారత్-పాక్ మ్యాచ్లు అత్యంత కీలకం. ఒకవేళ పాక్ ఉద్దేశపూర్వకంగా ఈ మ్యాచ్ను బహిష్కరిస్తే, అది కాంట్రాక్ట్ నిబంధనల ఉల్లంఘన కిందకు వస్తుందని న్యాయ నిపుణులు చెబుతున్నారు.
- భారీ నష్టం: ఒక్క భారత్-పాక్ మ్యాచ్ ద్వారానే సుమారు 250 మిలియన్ డాలర్ల (దాదాపు ₹2100 కోట్లు) ఆదాయం వస్తుందని అంచనా. మ్యాచ్ జరగకపోతే యాడ్స్, స్పాన్సర్షిప్ రూపంలో వచ్చే ఈ భారీ సొమ్మును ప్రసారకర్తలు కోల్పోతారు.
- ఐసీసీ హెచ్చరిక: ఈ విషయంలో ఐసీసీ ఇప్పటికే పీసీబీని హెచ్చరించింది. బాయ్కాట్ నిర్ణయం మార్చుకోకపోతే, పాకిస్థాన్కు ఐసీసీ నుంచి అందే వార్షిక ఆదాయ వాటా (సుమారు 35 మిలియన్ డాలర్లు) నిలిపివేసి, ఆ మొత్తాన్ని ప్రసారకర్తలకు నష్టపరిహారంగా చెల్లించే అవకాశం ఉందని సమాచారం.