DNews: Jan22: బనకచర్ల ప్రాజెక్టుపై తెలంగాణ ప్రభుత్వం కీలక నిర్ణయం తీసుకుంది. సుప్రీంకోర్టులో దావా వేయడానికి సన్నాహాలు ప్రారంభించింది. నీటిపారుదల చట్టపరమైన అంశాలపై న్యాయ సలహా తీసుకుంటోంది. ముసాయిదా సిద్ధమైన తర్వాత ఏజీతో చర్చిస్తుంది. ఆ తర్వాత సుప్రీంకోర్టులో దావా వేస్తుంది. తెలంగాణలో చేపడుతున్న సమ్మక్క సాగర్ ప్రాజెక్టుకు కూడా ఎన్ఓసీ పొందడానికి ప్రయత్నిస్తోంది. త్వరలో ఛత్తీస్గఢ్ ప్రభుత్వంతో చర్చలు జరుపుతుంది. మంత్రి ఉత్తమ్ కుమార్ రెడ్డి స్వయంగా ఈ విషయం చెప్పారు. పోలవరం-నల్లమల సాగర్ లింక్ ప్రాజెక్టుపై తెలంగాణ ప్రభుత్వం ఇప్పటికే అభ్యంతరం వ్యక్తం చేసిన విషయం తెలిసిందే. అనుమతి లేకుండా నిర్మిస్తున్నారని ఆరోపిస్తూ సుప్రీంకోర్టులో పిటిషన్ దాఖలు చేసింది. ఆ పిటిషన్ను కూడా ఉపసంహరించుకుంది. సివిల్ దావా రూపంలో మళ్ళీ దాఖలు చేయాలని నిర్ణయించింది. ఈ మేరకు సన్నాహాల నేపథ్యంలో బనకచర్లపై కూడా అభ్యంతరం వ్యక్తం చేసింది. ఈ ప్రాజెక్టుపై కూడా దావా వేయాలని నిర్ణయించింది.