DNews: Apr 30: హైదరాబాద్లో సంచలనం రేపుతున్న మైక్రోఫైనాన్స్ మోసం కేసు కీలక మలుపు తిరిగింది. ఈ కేసులో ప్రధాన నిందితుడు రామవత్ మధు తన ఖాతా నుండి గాయకురాలు మంగ్లీ సోదరుడు శివ చౌహాన్ ఖాతాకు డబ్బులు పంపినట్లు పోలీసులు గుర్తించారు. మధు ఖాతాను పరిశీలించినప్పుడు మూడు సార్లు డబ్బులు బదిలీ చేసినట్లు బయటపడింది. ఆ డబ్బులు అదే రోజు శివ చౌహాన్ ఖాతా నుండి ఉపసంహరించబడినట్లు కూడా ధృవీకరించారు. ఈ నేపథ్యంలో సైబరాబాద్ ఎకనామిక్ ఆఫెన్సెస్ వింగ్ (EOW) రామవత్ మధు ఖాతాను సీజ్ చేసింది. మధు, హిమకాంత్ రెడ్డి, శివ చౌహాన్ల ఖాతాల పూర్తి వివరాలను ఇవ్వాలని సంబంధిత బ్యాంకులకు పోలీసులు లేఖలు రాశారు. మరోవైపు, మంగ్లీ మరియు ఆమె సోదరుడు శివ చౌహాన్ తమకు ఈ కేసుతో ఎలాంటి సంబంధం లేదని, తమ పేర్లను అనవసరంగా లాగుతున్నారని ఆరోపించారు. ఇదిలా ఉండగా, రామవత్ మధు వందల కోట్ల రూపాయలను వేలాది మందిని అధిక వడ్డీ పేరుతో మోసగించినట్లు ఆరోపణలు ఉన్నాయి. బాధితుల ఫిర్యాదుల ఆధారంగా పోలీసులు ఇప్పటికే మధును అరెస్టు చేశారు.