DET:NOV 08:
అమరన్ చిత్రానికి అంతర్జాతీయ గుర్తింపు!
శివ కార్తికేయన్,సాయి పల్లవి జంటగా నటించిన అమరన్ సినిమా దేశీయంగానే కాక,అంతర్జాతీయ స్థాయిలో కూడా తన సత్తా చాటుకుంటోంది.ఈ చిత్రం ప్రతిష్టాత్మకమైన గోల్డెన్ పీకాక్ అవార్డుకు నామినేట్ అయింది.ఇది సినిమాకు లభించిన గొప్ప గౌరవంగా చెప్పుకోవచ్చు.
IFFI 2025 లో ఘనంగా ప్రారంభం:
ప్రఖ్యాత 56వ అంతర్జాతీయ చలనచిత్ర ఉత్సవాలు గోవాలో జరగనున్నాయి.ఈ ప్రతిష్టాత్మక వేదికపై అమరన్ చిత్రం ఇండియన్ పనోరమా విభాగంలో ప్రారంభ చిత్రంగా ప్రదర్శించబడనుంది.భారతీయ సినిమా వైవిధ్యాన్ని ప్రపంచానికి చాటి చెప్పే ఈ వేదికపై ప్రదర్శితం కావడం నిజంగా గొప్ప విషయం.
కమల్ హాసన్ హర్షం,కృతజ్ఞతాభావం:
ఈ సినిమా నిర్మాతలలో ఒకరైన ప్రముఖ నటుడు కమల్ హాసన్ ఈ విషయంపై తన సంతోషాన్ని,కృతజ్ఞతను వ్యక్తం చేశారు. సోషల్ మీడియా ద్వారా ఆయన మాట్లాడుతూ,భారతదేశ ఆత్మను కదిలించిన అమర సైనికుడు మేజర్ ముకుంద్ వరదరాజన్ కథ ఇప్పుడు ప్రపంచవ్యాప్తంగా వినిపించబోతోంది అని పేర్కొన్నారు.
జట్టుకు అభినందనలు:
కమల్ హాసన్,గోల్డెన్ పీకాక్ అవార్డు నామినేషన్కు ఎంపికైనందుకు మరియు IFFIలో ప్రారంభ చిత్రంగా నిలిచినందుకు దర్శకుడు రాజ్కుమార్ పెరియాసామి,హీరో శివ కార్తికేయన్,హీరోయిన్ సాయి పల్లవి,సంగీత దర్శకుడు జీవీ ప్రకాష్ కుమార్ సహా మొత్తం చిత్ర బృందానికి మనస్ఫూర్తిగా అభినందనలు తెలిపారు.న్యాయనిర్ణేతల పట్ల ఆయన కృతజ్ఞత కూడా తెలిపారు.