DET:OCT30:
అవార్డుల కొనుగోలు ఆరోపణలకు అభిషేక్ బచ్చన్ గట్టి కౌంటర్:
నటుడు అభిషేక్ బచ్చన్ తాజాగా తాను అందుకున్న ఫిల్మ్ఫేర్ ఉత్తమ నటుడు అవార్డు విషయంలో ఎదురైన ఆరోపణలపై ఘాటుగా స్పందించారు.2024లో విడుదలైన ‘ఐ వాంట్ టు టాక్’ చిత్రానికి గాను ఆయనకు ఈ పురస్కారం దక్కింది. అయితే,సోషల్ మీడియాలో ఒక యూజర్ జర్నలిస్ట్ అభిషేక్ బచ్చన్ను ఉద్దేశించి,అవార్డులను కొనుగోలు చేసి,పబ్లిక్ రిలేషన్స్ ద్వారానే ఆయన చిత్రసీమలో తన ఉనికిని చాటుకుంటున్నారని ఆరోపించారు.ఈ విమర్శకు అభిషేక్ సోషల్ మీడియా వేదికగా దీటుగా బదులిచ్చారు.
కష్టమే తప్ప… కొనుగోలు లేదు’అని స్పష్టం చేసిన నటుడు:
తనపై వచ్చిన ఆరోపణలను అభిషేక్ బచ్చన్ పూర్తిగా ఖండించారు.తాను ఎప్పుడూ ఏ అవార్డునూ కొనుగోలు చేయలేదని లేదా పబ్లిక్ రిలేషన్స్ ఏజెన్సీలతో అతిగా ప్రచారం చేయించుకోలేదని స్పష్టం చేశారు.ఈ రికార్డును సరిచేయడానికి…నేను ఎప్పుడూ ఏ అవార్డునూ కొనుగోలు చేయలేదు లేదా అతిగా PR చేయలేదు.కేవలం కష్టం,రక్తం,చెమట మాత్రమే.అయితే,నేను చెప్పేది మీరు నమ్మరని తెలుసు” అని ఆయన పేర్కొన్నారు.ఈ వ్యాఖ్య ద్వారా,తన విజయం కేవలం నిబద్ధత,అంకితభావంతో కూడిన కృషి ఫలితం మాత్రమే అని ఆయన బలంగా చెప్పారు.
భవిష్యత్తులో గట్టిగా బదులిస్తానని సవాల్:
ఈ ఆరోపణలు చేసిన వారిని,తనను విమర్శించే వారిని నిశ్శబ్దంగా ఉంచడానికి ఉన్న ఏకైక మార్గం మరింత కష్టపడి పని చేయడమే అని అభిషేక్ బచ్చన్ పేర్కొన్నారు.భవిష్యత్తులో నేను సాధించే ఏ విజయాన్నీ మీరు అనుమానించకుండా ఉండాలంటే,మిమ్మల్ని నోరు మూయించే ఉత్తమ మార్గం మరింత కష్టపడి పనిచేయడమే.నేను మిమ్మల్ని తప్పు అని నిరూపిస్తాను!గౌరవంతో మరియు ‘సాన్నిహిత్యంతో’ అని ఆయన ధీమా వ్యక్తం చేశారు.గత 25 ఏళ్లుగా తన కష్టాన్ని తక్కువ చేసి మాట్లాడటం సరికాదని,ఒక జర్నలిస్ట్ మరింత బాధ్యతాయుతంగా వ్యవహరించాలని ఆయన హితవు పలికారు.ఈ కౌంటర్ సోషల్ మీడియాలో విశేషంగా ప్రశంసలు అందుకుంటోంది.