DET:NOV 18:
అఖండ 2: 3D అనుభూతిని ఇవ్వాలని మొదటి నుంచీ మా ఆలోచన
నందమూరి బాలకృష్ణ మరియు దర్శకుడు బోయపాటి శ్రీను కాంబినేషన్‌లో వస్తున్న ‘అఖండ 2’ సినిమా గురించి ఒక ముఖ్యమైన అప్‌డేట్‌ను నిర్మాతలు ప్రకటించారు.ఈ సినిమాను 2D తో పాటు 3D ఫార్మాట్‌లో కూడా విడుదల చేయాలని నిర్ణయించారు. ఈ సినిమా నిర్మాణానికి సంబంధించిన ప్రణాళిక మొదటి నుంచే ఈ విధంగా ఉందని నిర్మాతలు తెలిపారు.
అఖండ సినిమాకే అద్భుతమైన విజువల్స్:
అఖండ మొదటి భాగం ఎంత పెద్ద విజయం సాధించిందో అందరికీ తెలిసిందే.అందులో యాక్షన్ సన్నివేశాలు,బాలకృష్ణ అఘోరా పాత్రలో స్క్రీన్ ప్రజెన్స్ ప్రేక్షకులను ఎంతగానో ఆకట్టుకున్నాయి.ఈ సీక్వెల్ కూడా భారీ స్థాయి విజువల్స్‌తో తెరకెక్కిస్తున్న నేపథ్యంలో,ప్రేక్షకులకు మరింత గొప్ప అనుభూతిని ఇవ్వాలనే ఉద్దేశంతోనే 3D ఫార్మాట్‌ను ఎంచుకున్నట్లు నిర్మాతలు రామ్ ఆచంట పేర్కొన్నారు.
బాలకృష్ణ ఎనర్జీకి 3D మరింత బలం:
నిర్మాత రామ్ ఆచంట మాట్లాడుతూ,కథ విన్నప్పుడే ఇది 3D లో చేయాల్సిన సినిమా అనిపించింది.బాలకృష్ణ గారి శక్తి, ఆయన నటన ఈ చిత్రంలో మరో స్థాయిలో ఉంటుంది.ముఖ్యంగా ఆయన అఘోరా పాత్ర స్క్రీన్ ప్రజెన్స్ 3D లో చూస్తే వేరే లెవల్‌లో ఉంటుంది,అని ధీమా వ్యక్తం చేశారు.యాక్షన్ సీక్వెన్స్‌లలోని లోతు 3D లో అద్భుతంగా కనిపిస్తుందని ఆయన తెలిపారు.
పాన్-ఇండియా ప్రేక్షకులే లక్ష్యం:
ఈ సినిమాను పాన్-ఇండియా స్థాయిలో విడుదల చేయాలని చిత్ర బృందం లక్ష్యంగా పెట్టుకుంది.దర్శకుడు బోయపాటి శ్రీను మాట్లాడుతూ,అఖండ 2 సినిమా మన సంస్కృతిని,సనాతన ధర్మాన్ని ప్రతిబింబిస్తుందని,ఈ కథ,విజువల్స్ 3D ఫార్మాట్‌లో భారతదేశాన్ని గర్వించేలా చేస్తాయని అన్నారు.ఈ సినిమా డిసెంబర్ 5న ప్రపంచవ్యాప్తంగా విడుదల కానుంది.